e enjte, 5 tetor 20230

Të Drejtat për Komunitetet Rurale

"Të drejtat për komunitetet rurale (MRRC)" është një program gjashtëmujor i implementuar nga Instituti i Prishtinës për Studime Politike, i mbështetur nga CDF – Community Development Fund dhe GLPS – Grupi për Studime Juridike Politike, pjesë e projektit JustReact që financohet nga Bashkimi Evropian. Objektivi parësor i programit është fuqizimi dhe përkrahja e komuniteteve rurale dhe të largëta, veçanërisht në komunat e Dragashit, Kaçanikut, Hanit të Elezit, Shtërpcës dhe Deçanit, në kuadër të rajonit të Prizrenit, Pejës dhe Ferizajt. PIPS, së bashku me një ekip ekspertësh udhëton në këto komuna për të ofruar një sesion informues, duke ofruar mbështetje dhe konsultime mbi temat thelbësore të të drejtave të njeriut, duke përfshirë diskriminimin, dhunën gjinore dhe aksesin në drejtësi.

PIPS gjithashtu shpërndan materiale informuese, si broshura, postera në këto komuna për të mbajtur publikun të informuar për aktivitetet e mbajtura.
Mëposhtë, gjeni foto nga sesionet informuese të mbajtura gjatë muajit shtator dhe tetor si dhe linqet e postimeve të takimeve në rrjete sociale.

e mërkurë, 13 shtator 20230

Seminari i IV-të i Shkollës Politike (Gjenerata e 21-të) Partitë Politike dhe Komunikimi Politik

Seminari i IV i Shkollës Politike: Partitë Politike dhe Komunikimi Politik:

Kjo fundjavë shënoi seminarin e katërt dhe të fundit të të Gjeneratës '21 së Shkollës Politike!

Seminari “Partitë Politike dhe Komunikimi Politik” i cili u mbajt nga datat 9-10 shtator tek Pylli i Arinjve Prishtinë, doli të jetë një vikend me diskutime përmbajtësore, energji, ngazëllim dhe njohuri të thella. Si pjesëmarrësit e Shkollës, edhe ligjëruesit ndanë këndvështrimet e tyre, duke krijuar një platformë që nuk ishte asgjë më pak se fuqizuese intelektualisht.

Pikat kryesore:
Një zhytje e thellë në nuancat e partive politike si agjentë të demokratizimit dhe rolin e tyre kryesor në proceset zgjedhore si dhe ndikimi transformues i komunikimit politik dhe sfera dixhitale e mediave sociale.

Në ditën e parë kishim nderin të kishim ligjërues interaktiv si z. Bashmir Xhemaj për komunikimin politik, znj. Flutura Kusari për lirinë e shprehjes dhe z. Agon Maliqi për sfidat e populizmit.

Dita e dytë vazhdoi me sesione tërheqëse nga z. Adri Nurellari mbi thelbin dhe rëndësinë e partive politike dhe pikëpamjet e z. Adem Beha mbi demokracinë e brendshme të partive politike në Kosovë.

Programi i Shkollës Politike mbështetet nga Këshilli i Evropës.

e diel, 2 korrik 20230

Seminari i III-të të Shkollës Politike - Gjenerata 21 (Siguria Nacionale dhe Politika e Jashtme)

Seminari III-të i Shkollës Politike u përmbyll me sukses në Prishtinë! Ishte një fundjavë e mbushur me diskutime interaktive, ligjërata me përmbajtje interesante dhe socializim! Temat kryesore të shtjelluara në këtë seminar ishin Siguria Nacionale dhe Politika e Jashtme, duke përfshirë sigurinë kibernetike për herë të parë në Shkollën Politike.

Ne dëshirojmë të shprehim mirënjohjen tonë për Konrad-Adenauer-Stiftung Kosovo dhe Këshillin e Evropës për mbështetjen e palëkundur të Shkollës Politike. Pa përkushtimin e tyre, ky seminar nuk do të ishte i mundur.

e enjte, 25 maj 20230

Seminari i II-të i Shkollës Politike të Gjeneratës së 21-të

Seminari i Dytë i Shkollës Politike 2023 u përmbyll me sukses këtë vikend në Durrës! Fundjava ishte e mbushur me diskutime të thella, ligjërata interesante dhe punë energjike në grupe!

I shprehim mirënjohjen tonë të përzemërt Këshillit të Evropës për mbështetjen e palëkundur të Shkollës Politike.

Lexo më shumë informata rreth seminarit brenda artikullit.

e mërkurë, 24 maj 20230

DEKLARATA E REYKJAVÍK-ut 'Të bashkuar rreth vlerave tona' (SAMITI I REYKJAVÍK-ut - KËSHILLI I EVROPËS)

Samiti i Këshillit të Evropës në Rejkjavik përcaktoi orientimin e organizatës në sfidat e reja për demokracinë.

Krerët e 46 vendeve anëtare të organizatës u dakorduan në:

*krijimin e mekanizmit të riparimit të dëmeve të shkaktuara nga agresioni i Federatës Ruse në Ukrainë;
* aderimin e Bashkimit Evropian në Konventën Evropiane për të Drejtat e Njeriut;
* standarde të reja për të mbrojtur të drejtat e njeriut në epokën dixhitale online dhe offline, veçanërisht në lidhje me inteligjencën artificiale;
* njohjen politike të së drejtës për një mjedis të pastër, të shëndetshëm dhe të qëndrueshëm si një e drejtë e njeriut;
* promovimin e të drejtave sociale në Evropë përmes Kartës Sociale, etj.

Lexo më shumë brenda aktivitetit.

RSS

Previous 1 2 3 4 5 6 7 8 9 10 Next Last

Aktivitetet më të shikuara

Diona Kusari / e mërkurë, 20 maj 2015

/ Kategoria: Aktivitetet

U mbajt tryeza ‘Anëtarësimi i Kosovës në Këshill të Evropës’

U mbajt tryeza ‘Anëtarësimi i Kosovës në Këshill të Evropës’. Tryeza kishte për qëllim diskutimin e relacionit Kosovë, Këshillin e Evropës dhe anëtarësimin sa më të shpejtë të Kosovës në këtë organizatë. Në këtë tryezë ishin ish-Presidentja e vendit Atifete Jahjaga, ish-Ministri i Jashtëm Enver Hoxhaj, Ekspertja e të Drejtave të Njeriut Gjylieta Mushkolaj dhe Fisnik Korenica.

Hapja e tryezës dhe drejtimi i debatit u bë nga Drejtoresha Ekzekutive e PIPS, Leonora Kryeziu e cila vuri theksin në rëndësinë jetike të anëtarësimit të Kosovës në këtë organizatë në të mirë të qytetarit të Kosovës. “Shoqëria Civile kosovare mbështet anëtarësimin e Kosovës në këtë organizatë dhe kërkon që aplikacioni të dërgohet sa më shpejtë të jetë e mundur", tha ajo.

Presidentja e vendit Atifete Jahjaga gjithashtu theksoi se anëtarësimi në këtë organizatë është një nevojë urgjente për forcimin e të drejtave të njeriut dhe sundimit të ligjit. Sipas Presidentes së vendit bashkëpunimi i ngushtë mes shoqërisë civile dhe institucioneve shtetërore për anëtarësimin në këtë organizatë është një shembull dhe precedent që duhet ndjekur dhe përsëritur.

Ish-Ministri Hoxhaj theksoi rëndësinë e krijimit të një momentumi që do të vinte nga një proces lobimi nga shumë anë, para se të aplikohet. Aplikimi duhet të vijë bashkë me një proces të përbashkët pune nga të gjitha sferat, sipas tij.

Ekspertët juridikë Gjylieta Mushkolaj dhe Fisnik Korenica i rekomanduan qeverisë së Kosovës që sa më shpejtë të jetë e mundur të dërgojë aplikacionin për anëtarësim në KE.

Print

25577 Rate this article:

No rating

Programet	Politika e jashtme
Viti i publikimit	2015

Aktivitetet tjera