Çfarë janë duke bërë institucionet e Kosovës në raport me luftën kundër ekstremizit të dhunshëm? e mërkurë, 8 dhjetor 20210

Çfarë janë duke bërë institucionet e Kosovës në raport me luftën kundër ekstremizit të dhunshëm?

PIPS ka mbajtur diskutimin e rradhës në kuadër të Resilient Community Program (konzorcium me Advocacy Training and Resource Center - ATRC, PEN - Peer Educators Network dhe BIRN) mbështetur nga Global Community Engagement and Resilience Fund dhe USAID.

Në panel morrën pjesë Znj. Ganimete Gërbovci nga Ministria e Punëve të Brendshme, Znj. Adelina Ahmeti nga BIRN Kosovo, dhe Z. Skënder Përteshi nga Kosovar Center for Security Studies - KCSS.

Ky diskutim adresoi në thelb kombinimin e masave të ndryshme të ndërmarra nga institucionet e Kosovës, duke mos lënë anash pikëpamjet nga ana e medieve dhe shoqërisë civile.

Diskutimi tregoi se adresimi i këtij fenomeni nga institucionet e Kosovës është duke rezultuar me sukses. Institucionet e Kosovës ofrojnë mbështetje sociale për këtë grup.
PIPS nënshkruan memorandum bashkëpunimi me Akademinë Diplomatike të Kosovës e martë, 7 dhjetor 20210

PIPS nënshkruan memorandum bashkëpunimi me Akademinë Diplomatike të Kosovës

Angazhimi ynë në analizën e politikës së jashtme dhe diplomaci është shënuar me arritjen e radhës.

Më 6 Dhjetor 2021 znj. Leonora Kryeziu, Drejtoreshë e PIPS dhe z. Sabri Kiçmari, Drejtor i Përgjithshëm i Akademisë Diplomatike kanë nënshkruar marrëveshjen e bashkëpunimit ndërmjet dy institucioneve.
Seminari i katërt i Shkollës Politike 2021 dhe ceremonia e diplomimit për gjeneratën e nëntëmbëdhjetë e hënë, 6 dhjetor 20210

Seminari i katërt i Shkollës Politike 2021 dhe ceremonia e diplomimit për gjeneratën e nëntëmbëdhjetë

Gjatë datave 3-4 Dhjetor u mbajt seminari i katërt dhe i fundit i Shkollës Politike për vitin 2021. Seminari u fokusua në funksionimin e partive politike dhe komunikimin politik.

Në përfundim të seminarit, u mbajt ceremonia përmbyllëse dhe ndarja e certifikatave për gjeneratën e nëntëmbëdhjetë të Shkollës Politike.
Seminari për Edukim Politik për të rinjtë rom, ashkali dhe egjiptian e martë, 23 nëntor 20210

Seminari për Edukim Politik për të rinjtë rom, ashkali dhe egjiptian

​Së bashku me 20 pjesëmarrës/e, të rinjë të komuniteteve rom, ashkali dhe egjiptian, 5 ligjërues/e të shkencave politike e juridike​, kemi përmbyllur Seminarin për Edukim Politik tejet të suksesshëm.

Seminari u pilotua si një format i ri për të rinjtë e komuniteteve jo-shumicë inspiruar nga programi i Shkollës Politike, dhe patëm kënaqësinë të dëshmojmë energjinë e këtyre të rinjëve për të avokuar për avancimin e pozitës së komunitetit të tyre dhe kapacitetin e një formati të tillë të shërbejë si një hapësirë bashkëpunimi për definimin e ideve e kërkesave të përbashkëta.
Shkolla Politike në Forumin Botëror për Demokraci 2021 e premte, 12 nëntor 20210

Shkolla Politike në Forumin Botëror për Demokraci 2021

Edhe këtë vit Shkolla Politike e Prishtinës ka kënaqësinë të jetë pjesë e World Forum for Democracy / Forum mondial de la Démocratie.

Nga Shkolla jonë po marrin pjesë Blin Berdoniqi, Shpetim Shujaku, Mrika Nikqi dhe Valmira Morina.

Forumi po organizohet të dhjetën herë me rradhë në premisat e Këshillit të Evropës në Strasburg gjatë 8 - 10 Nëntor 2021.

Me temën "A mundet demokracia ta shpëtojë mjedisin?" forumi përmban seanca plenare dhe diskutime që trajtonë tema si: ndërmarrësinë e gjelbër, kuvendet e qytetarëve për klimën, drejtësinë mjedisore, qytetet e qëndrueshme, të drejtat e njeriut për mjedisin, komunitetet në ruajtjen e mjedisit, partneritetet publike-private për mjedisin dhe edukimin mjedisor.

Shkolla Politike e Prishtinës poashtu pati mundësinë të vizitojë Gjykatën Evropiane për të Drejtat e Njeriut.

Shkolla Politike vizituan edhe Konsulatën e Kosovës në Strasburg dhe u pritën nga ambasadorja, znj. Mimoza Ahmetaj.
RSS
First34568101112Last
Aktivitetet më të shikuara
 
Seminarin Rajonal i Drejtësisë Tranzicionale në bashkëpunim me BFPE (Shkolla Politike e Serbisë) - 30 gusht - 1 shtator
Diona Kusari
/ Kategoria: Aktivitetet

Seminarin Rajonal i Drejtësisë Tranzicionale në bashkëpunim me BFPE (Shkolla Politike e Serbisë) - 30 gusht - 1 shtator

Këtë fundjavë, nga 30 gushti deri më 1 shtator, PIPS organizonoi Seminarin Rajonal të Drejtësisë Tranzicionale në bashkëpunim me BFPE. Seminari i cili u organizua nën ombrellën e projektit rajonal “Mbështetja e BE-së për Ndërtimin e Besimit në Ballkanin Perëndimor”, i cili financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP), mblodhi 40 pjesëmarrës të përkushtuar nga Kosova dhe Serbia.

Ky seminar shërbeu si një platformë për dialog dhe mirëkuptim. Duke u fokusuar në drejtësinë tranzicionale dhe në kujtesën kolektive të konfliktit të vitit 1999 në Kosovë, ne inkurajuam një mjedis komunikimi të hapur për të mësuar më shumë rreth bazave të drejtësisë tranzicionale dhe për të shkëmbyer pikëpamje se si të trajtojmë të kaluarën në mënyrë të përgjegjshme.

Seminari filloi me një seancë mirëseardhëse të udhëhequr nga znj. Leonora Kryeziu (PIPS), z. Nuno Queirós (UNDP), znj. Eva Palatova (Zyra e BE-së) dhe znj. Svetlana Stefanovic (BFPE). Gjatë seminarit, ne patëm nderin të eksploronim tema shumë të rëndësishme me folës dhe ekspertë të ndryshëm të Drejtësisë Tranzicionale, si mekanizmat e drejtësisë tranzicionale me z. Thomas Unger, konteksti historik i konfliktit me znj. Sonja Biserko, dhe njohuri rreth përpjekjeve humanitare me z.Bekim Blakaj. Ndërsa, dr. Gëzim Visoka dhe znj. Jovana Radosavljević organizuan një diskutim të rëndësishëm mbi sfidat dhe mundësitë në arritjen e paqes së qëndrueshme. Fundjava u përmbyll me reflektime mbi median dhe memorializimin e udhëhequr nga z. Abit Hoxha dhe znj. Serbeze Haxhiaj.

Pas përfundimit të sesioneve, PIPS, në bashkëpunim me HLC Kosovë, organizuan një vizitë në Qendrën e Dokumentacionit në Kosovë. Aty pjesëmarrësit patën mundësinë të thelloheshin në rrëfime të ndryshme nga konflikti i vitit 1999 përmes ekspozitës “NA ISHTE NJË HERË QË KURRË MOS QOFTË”.

Seminari u shoqërua me diskutime të shumta frytdhënëse, të nxitura nga një objektiv i përbashkët për të thyer barrierat, për të sfiduar pikëpamjetdhe për të krijuar një bazë solide për paqen e qëndrueshme.

Një falenderim i madh për të gjithë të përfshirë për angazhimin e tyre për një të ardhme të bazuar në respekt dhe mirëkuptim reciprok. Le të vazhdojmë të punojmë së bashku drejt një rajoni më harmonik dhe më të bashkuar. 

Aktiviteti është bërë i mundur me asistencën e projektit rajonal Mbështetja e BE-së për Ndërtimin e Besimit në Ballkanin Perëndimor,, i cili financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP).

Previous Article Seminari i IV-të i Shkollës Politike (Gjenerata e 22-të) - Zhvillimi i Qëndrueshëm - Politikat, Institucionet dhe Qeverisja
Next Article Seminari i V-të i Shkollës Politike (Gjenerata e 22-të) - Komunikimi Politik, Dezinformimi dhe Pjesëmarrja
Print
8149 Rate this article:
No rating
Programet
  • Integrimi evropian
  • Shkolla Politike
Viti i publikimit
  • 2024