e enjte, 4 prill 20240

e projekteve

Instituti i Prishtinës për Studime Politike (PIPS) hap konkursin për pozitë pune. Ftojmë të interesuarit nga fushat e shkencave sociale, juridike dhe menaxhmentit të aplikojnë. Thirrje e hapur për pozitën (koordinator/e i/e projekteve).

Kualifikimet:

Të jetë i/e diplomuar në nivelin bachelor (në fushat e shkencave sociale, juridike dhe menaxhmentit);
Aftësi organizative, komunikimi dhe udhëheqjeje;
Aftësi të menaxhimit të kohës;
Përvojë paraprake në koordinim/menaxhim të projekteve;
Njohuri të nivelit të avancuar të gjuhës angleze (C1-C2).

Dërgoni një CV dhe një letër motivuese në emailin: shkolla.politike@gmail.com ose info@pips-ks.org.

e diel, 7 janar 20240

SHKOLLA POLITIKE E PRISHTINËS KA HAPUR KONKURSIN PËR PRANIMIN E KANDIDATËVE PËR GJENERATËN E NJËZET E DYTË (22).

Bëhuni pjesë e një udhëtim transformues me një nga programet e para të edukimit politik joformal në Kosovë! Shkolla Politike, e themeluar për të fuqizuar liderët në sferat politike, ekonomike, sociale dhe kulturore, ka hapur thirrjen për aplikim në gjeneratën e saj të 22-të. E ndërtuar mbi shtyllat e demokracisë, programi ynë shtrihet nga marsi deri në nëntor, duke përfshirë seminare, diskutime dhe ligjerata që kultivojnë të menduarit kritik dhe vlerat demokratike. Thellohuni në tema si Shteti dhe Shoqëria, Politika Publike, Ekonomia dhe Politika, Politika e Jashtme, Siguria Kombëtare, Partitë Politike dhe më shumë, duke u avancuar si liderët e ardhshëm të Kosovës.

e mërkurë, 6 dhjetor 20230

Ceremonia e diplomimit të Gjeneratës së 21-të të Shkollës Politike

21 VJET ME SHKOLLËN POLITIKE!

Teksa presim një vit premtues përpara, Shkolla Politike shënon konkludimin e programit të sivjetshëm dhe diplomimin e gjeneratës së 21-të të Shkollës Politike, duke e përmbyllur këtë rrugëtim me sukses.

Ceremonia e graduimit për gjeneratën e 21-të simbolizon fundin e një viti tjetër akademik i cili shërbeu edhe si një moment ritakimi me grupin tonë të alumnive.

Gjeneratës së fundit i urojmë sukses dhe shpresojmë që ky të jetë fillimi i bashkëpunimit tonë me një rrjet alumni që sa shkon e zgjerohet.

Falenderim i veçantë për Këshillin e Evropës, që për më shumë se dy dekada mundëson organizimin e Shkollës Politike, si dhe Konrad-Adenauer-Stiftung Kosovo për mbështetjen e tyre gjatë viteve.

e martë, 14 nëntor 20230

Pjesëmarrja e gjeneratës së 21-të të Shkollës Politike në Forumin Botëror të Demokracisë, Strasbourg

Instituti i Prishtinës për Studime Politike, si traditë e shumevjetshme, mori pjesë në Forumin Botëror të Demokracisë me Gjeneratën e 21-të të Shkollës Politike të Kosovës, në qytetin e Strasburgut.

Nëpërmjet diskutimeve dhe sesioneve me tematika interesante të forumit, ne u futëm thellë në botën e demokracisë dhe morëm mësime të shumë të çmueshme gjatë këtyre kohërave sfiduese të demokracisë në botë.

e enjte, 5 tetor 20230

Të Drejtat për Komunitetet Rurale

"Të drejtat për komunitetet rurale (MRRC)" është një program gjashtëmujor i implementuar nga Instituti i Prishtinës për Studime Politike, i mbështetur nga CDF – Community Development Fund dhe GLPS – Grupi për Studime Juridike Politike, pjesë e projektit JustReact që financohet nga Bashkimi Evropian. Objektivi parësor i programit është fuqizimi dhe përkrahja e komuniteteve rurale dhe të largëta, veçanërisht në komunat e Dragashit, Kaçanikut, Hanit të Elezit, Shtërpcës dhe Deçanit, në kuadër të rajonit të Prizrenit, Pejës dhe Ferizajt. PIPS, së bashku me një ekip ekspertësh udhëton në këto komuna për të ofruar një sesion informues, duke ofruar mbështetje dhe konsultime mbi temat thelbësore të të drejtave të njeriut, duke përfshirë diskriminimin, dhunën gjinore dhe aksesin në drejtësi.

PIPS gjithashtu shpërndan materiale informuese, si broshura, postera në këto komuna për të mbajtur publikun të informuar për aktivitetet e mbajtura.
Mëposhtë, gjeni foto nga sesionet informuese të mbajtura gjatë muajit shtator dhe tetor si dhe linqet e postimeve të takimeve në rrjete sociale.

RSS

Previous 1 2 3 4 5 6 7 8 9 10 Next Last

Aktivitetet më të shikuara

LETËR DREJTUAR LIDERËVE EVROPIAN TË MBLEDHUR NË REYKJAVIK MË 16 DHE 17 MAJ PËR SAMITIN E 4-të të KËSHILLIT TË EVROPËS

Diona Kusari / e hënë, 15 maj 2023

/ Kategoria: Publikimet

LETËR DREJTUAR LIDERËVE EVROPIAN TË MBLEDHUR NË REYKJAVIK MË 16 DHE 17 MAJ PËR SAMITIN E 4-të të KËSHILLIT TË EVROPËS

Maj 2023

Në prag të Samitit të 4-të të Këshillit të Evropës që do të zhvillohet në Reykjavik më datat 16 dhe 17 maj, PIPS, si pjesë e Asociacionit të Shkollave të Studimeve Politike të Këshillit të Evropës kanë shprehur shqetësimin për rritjen e ngacmimeve të OJQ-ve, gazetarëve, avokatëve, akademikëve, avokues të të drejtave të njeriut, sinjalizuesit dhe zërat të tjerë kundërshtues, që synojnë frenimin e pluralizmit politik dhe shuarjen e zërave kundërshtues.

Asociacioni u rikujton liderëve evropianë detyrimin e tyre për të pranuar parimet e sundimit të ligjit dhe gëzimin e të drejtave dhe lirive themelore të njeriut brenda juridiksionit të tyre. Letra gjithashtu kërkon që të ndërmerren veprime për t'u bërë presion qeverive për të ratifikuar dhe zbatuar Konventën e Stambollit për dhunën ndaj grave, për të zbatuar vendimet e Gjykatës Evropiane të të Drejtave të Njeriut dhe për të mbështetur parimet e parashikuara në Konventë. Asociacioni thekson të drejtën për të pasur të drejta, e cila përfshin të varfërit, të pambrojturit, migrantët, refugjatët dhe personat pa shtetësi. Në permbyllje, letra u bënë thirrje liderëve evropianë që të jenë të palëkundur në zbatimin e parimeve dhe vlerave për të cilat qëndron Këshilli i Evropës.

-Asociacioni i Shkollave të Studimeve Politike u krijua në 2008 për të luajtur një rol të shtuar në menaxhimin e programit të Shkollave Politike të Këshillit të Evropës dhe për të forcuar lidhjet midis tyre.

Print

8575 Rate this article:

No rating

Programet	Politika e jashtme Integrimi evropian Shkolla Politike
Viti i publikimit	2023

Dokumente(t)

PDF FINAL ECOLES 2023 ASPS HEADED PAPER REYKJAVIK MESSAGE(.pdf, 170,74 KB) - 139 shkarkim(e)

Aktivitetet tjera