e hënë, 12 tetor 20260

Seminarin V i Shkollës Politike: Partitë Politike, Lidershipi i Përgjegjshëm dhe Pjesëmarrja Demokratike (9-11 tetor)

A mund të ketë demokraci të fortë pa parti politike që gëzojnë besimin e qytetarëve dhe pa liderë që mbajnë përgjegjësi ndaj tyre?

Kjo pyetje ishte në qendër të Seminarit V të Shkollës Politike, ku gjatë dy ditëve të diskutimeve trajtuam rolin e partive politike, rëndësinë e lidershipit të përgjegjshëm dhe sfidat e pjesëmarrjes demokratike në Kosovë. Një vëmendje të veçantë ia kushtuam edhe përfaqësimit dhe lidershipit të grave në politikë.

Në përmbyllje, iu kthyem historisë së Kosovës gjatë viteve '90, duke reflektuar mbi kulturën politike të rezistencës, ndërtimin e institucioneve të pavarura dhe rolin e solidaritetit qytetar në krijimin e besimit dhe organizimit politik.

Me këto diskutime, përmbyllëm Seminarin V me temën Partitë Politike, Lidershipi i Përgjegjshëm dhe Pjesëmarrja Demokratike, duke reflektuar mbi mënyrat se si partitë, liderët dhe qytetarët mund të kontribuojnë në një demokraci më përfaqësuese, gjithëpërfshirëse dhe llogaridhënëse.

Programi i Shkollës Politike mbështetet nga Këshilli i Evropës dhe Demo Finland.

--

Can democracy be strong without political parties that earn citizens' trust and leaders who are accountable to them?

This question was at the heart of Seminar V of the School of Politics, where two days of discussions focused on the role of political parties, the importance of responsible leadership, and the challenges of democratic participation in Kosovo. We also dedicated particular attention to women's representation and leadership in politics.

In our closing session, we reflected on Kosovo's history during the 1990s, exploring the political culture of resistance, the establishment of independent institutions, and the role of civic solidarity in building trust and political organization.

With these discussions, we concluded Seminar V on Political Parties, Responsible Leadership, and Democratic Participation, reflecting on how political parties, leaders, and citizens can contribute to a more representative, inclusive, and accountable democracy.

The School of Politics programme is supported by the Council of Europe and Demo Finland.

e premte, 2 tetor 20260

Dialog dhe shkëmbim përvojash ndërmjet Kosovës dhe Finlandës: Vizita e delegacionit finlandez në Prishtinë, 27–29 shtator

Instituti i Prishtinës për Studime Politike (PIPS), në bashkëpunim me Demo Finland, mirëpriti në Prishtinë një delegacion nga Finlanda gjatë vizitës së tij më 27–29 shtator 2026. Vizita krijoi hapësira për shkëmbim përvojash dhe diskutim mbi funksionimin parlamentar, dialogun ndërpartiak dhe forcimin e kulturës së bashkëpunimit politik.

Në kuadër të vizitës, PIPS organizoi një dialog ndërmjet deputeteve të Kuvendit të Kosovës dhe delegacionit parlamentar finlandez, me fokus në funksionimin e parlamenteve, bashkëpunimin pozitë–opozitë, dialogun ndërpartiak dhe shkëmbimin e përvojave mes dy vendeve.

e premte, 2 tetor 20260

Deklaratë e përbashkët e organizatave të shoqërisë civile

Partitë të arrijnë marrëveshje për Presidentin dhe të garantojnë funksionimin e institucioneve

Ne, organizatat e poshtëshënuara të shoqërisë civile, vlerësojmë që Kosova duhet të ketë institucione funksionale, me mandat të plotë dhe që përmbushin përgjegjësitë e tyre ndaj qytetarëve. Mandati i dhënë nga qytetarët është përgjegjësi për respektimin e rendit kushtetues dhe funksionimin demokratik të institucioneve. Prandaj, u bëjmë thirrje partive parlamentare që të angazhohen menjëherë për një marrëveshje që mundëson zgjedhjen e Presidentit/es deri më 6 tetor, brenda afatit të përcaktuar nga Gjykata Kushtetuese.

Dështimi i sërishëm për të zgjedhur Presidentin/en do të sillte shpërndarjen e Kuvendit dhe zgjedhje të reja. Pas krizave të përsëritura institucionale dhe cikleve të njëpasnjëshme zgjedhore, kjo do ta vendoste vendin përballë një tjetër ngërçi institucional, pa pasur garancë që zgjedhjet do të jenë zgjidhje e mosmarrëveshjeve që po e mbajnë të hapur këtë çështje.

e hënë, 14 shtator 20260

Seminari IV i Shkollës Politike: Komunikimi Politik, Media, Dezinformimi dhe Integriteti i Debatit Demokratik (Gjenerata 24)

Instituti i Prishtinës për Studime Politike (PIPS) përmbylli Seminarin IV të Shkollës Politike, kushtuar temës “Komunikimi Politik, Media, Dezinformimi dhe Integriteti i Debatit Demokratik”.

Gjatë tri ditëve, pjesëmarrësit diskutuan mbi rolin e medias në një demokraci, sfidat e komunikimit politik dhe ndikimin e dezinformimit në mënyrën se si qytetarët e kuptojnë realitetin politik.

e enjte, 10 shtator 20260

Takim ndërpartiak me të rinjtë e partive politike në Gjakovë

Instituti i Prishtinës për Studime Politike (PIPS) zhvilloi dje në Gjakovë një takim me të rinjtë e partive politike, me pjesëmarrje nga të gjitha partitë parlamentare (Lëvizja Vetëvendosje - LVV, Partia Demokratike e Kosovës - PDK, Lidhja Demokratike e Kosovës- LDK, dhe Aleanca e Ardhmërisë së Kosovës - AAK).

Takimi u fokusua në trajektoren e mendimit dhe organizimit politik shqiptar në Kosovë, nga viti 1918 deri në ditët e sotme, duke hapur diskutimin mbi traditat e ndryshme politike që kanë ndikuar në zhvillimin e shoqërisë dhe politikës kosovare. Pjesëmarrësit diskutuan gjithashtu për trashëgiminë politike dhe ideologjike, ndikimin e saj te votuesit, ndryshimet nga agjendat nacionaliste drejt atyre liberale e demokratike, si dhe për ndikimin e ndryshimit të rendit botëror në angazhimin politik në Kosovë.

RSS

1 2 3 4 5 6 7 8 9 10 Next Last

Aktivitetet më të shikuara

Seminari III i Shkollës Politike: Paqja, Diplomacia dhe Siguria (Gjenerata 24)

Jon Krasniqi / e hënë, 13 korrik 2026

/ Kategoria: Aktivitetet

Seminari III i Shkollës Politike: Paqja, Diplomacia dhe Siguria (Gjenerata 24)

Instituti i Prishtinës për Studime Politike (PIPS) organizoi Seminarin III të Shkollës Politike gjatë datave 3-5 korrik, kushtuar temës “Paqja, Diplomacia dhe Siguria”, me fokus të veçantë në pozitën e Kosovës në një rend botëror dhe mjedis gjeopolitik në ndryshim.

Gjatë tri ditëve, pjesëmarrësit patën mundësi të diskutojnë zhvillimet aktuale në politikën e jashtme të Kosovës, procesin e njohjes ndërkombëtare, integrimin euro-atlantik, dinamikat e sigurisë në Ballkanin Perëndimor, si dhe mënyrat e reagimit institucional ndaj situatave të krizës.

Dita e parë: Kosova në një rend botëror në ndryshim

Dita e pare përfshiu dy sesione të fokusuara në ndryshimet në rendin ndërkombëtar dhe implikimet e tyre për Kosovën.

Rendi Botëror Multipolar dhe Politika e Jashtme e Kosovës – me Dr. Butrint Berisha, trajtoi kalimin nga një rend unipolar drejt një sistemi më multipolar, ndryshimin e balancave globale të fuqisë, dobësimin e normave ndërkombëtare dhe multilateralizmit, si dhe transformimin e aleancave. Diskutimi u fokusua edhe në sfidat që ky mjedis i ri paraqet për politikën e jashtme të Kosovës si shtet i vogël që synon njohje të plotë ndërkombëtare.

Shtetësia e Kosovës dhe Njohja Ndërkombëtare në vitin 2026: Argumentet Ligjore, Kufizimet Diplomatike dhe Opsionet Strategjike – me Dr. Kushtrim Istrefi, shqyrtoi ndërlidhjen ndërmjet së drejtës ndërkombëtare, njohjes dhe ndërtimit të paqes. Diskutimi përfshiu procesin e ngecur të njohjeve të Kosovës, dialogun Kosovë-Serbi, rolin e pesë shteteve mosnjohëse të BE-së, si dhe strategjitë ligjore dhe diplomatike për forcimin e pranisë ndërkombëtare të Kosovës.

Dita e dytë: Integrimi Euro-Atlantik dhe Dinamikat Rajonale

Dita e dytë u fokusua në perspektivën euro-atlantike të Kosovës dhe zhvillimet gjeopolitike në Ballkanin Perëndimor.

Politika e Jashtme e Kosovës pas Pavarësisë: Mësimet e Nxjerra dhe Prioritetet Strategjike për Dekadën e Ardhshme – me z. Muhamet Brajshori, ofroi një reflektim mbi zhvillimin e politikës së jashtme të Kosovës që nga pavarësia, arritjet dhe mundësitë e humbura, si dhe prioritetet strategjike për forcimin e pozitës ndërkombëtare të vendit.

Diplomacia e SHBA-së në Ballkanin Perëndimor: Pragmatizmi, Siguria dhe e Ardhmja e Partneritetit Strategjik të Kosovës – me Prof. Pëllumb Kelmendi, trajtoi ndryshimet në diplomacinë amerikane, dinamikat e sigurisë në rajon dhe ndikimin e tyre në Kosovë dhe Ballkanin Perëndimor.

Ballkani Perëndimor në një Peizazh Gjeopolitik në Ndryshim: Sfidat Rajonale dhe Zhvillimet Globale – me z. Ylber Hysa, u fokusua në ndikimin e zhvillimeve globale mbi stabilitetin rajonal, qeverisjen demokratike, sigurinë dhe perspektivat e integrimit evropian.

Përmes punës në grupe, pjesëmarrësit diskutuan gjithashtu mbi pozicionimin strategjik të Kosovës në një mjedis Euro-Atlantik në ndryshim, të fasilituar nga ekipi i PIPS.

Dita e tretë: Siguria, Rezilienca dhe Reagimi ndaj Krizave

Dita e fundit e seminarit u fokusua në sigurinë e Kosovës, perspektivën e saj drejt NATO-s dhe aftësinë për të reaguar ndaj situatave të krizës.

Kosova dhe NATO: Nga Partneriteti i Sigurisë drejt një Rruge të Besueshme për Anëtarësim – me znj. Besa Kabashi Ramaj, shqyrtoi perspektivat e Kosovës për avancim drejt anëtarësimit në NATO, duke marrë parasysh kufizimet politike, të sigurisë dhe institucionale. Sesioni trajtoi marrëdhënien e Kosovës me NATO-n dhe KFOR-in, rolin e Forcës së Sigurisë së Kosovës, sfidën e shteteve mosnjohëse brenda NATO-s dhe reformat e nevojshme për një strategji të besueshme të integrimit.

Seminari u përmbyll me “Lojë Vendimmarrjeje në Krizë: Diplomacia, Siguria dhe Koordinimi Institucional nën Presion”, me z. Bajram Geci. Përmes një simulimi në grupe, pjesëmarrësit iu përgjigjën një skenari krize që përfshinte presion të politikës së jashtme, dinamika rajonale të sigurisë, kërcënime hibride, komunikim publik dhe koordinim institucional. Ushtrimi u mundësoi pjesëmarrësve të vlerësojnë rreziqet, të përcaktojnë prioritete, të koordinojnë përgjigjet institucionale dhe të marrin vendime nën presion kohor.

Me këtë aktivitet u përmbyll Seminari III i Shkollës Politike mbi Paqen, Diplomacinë dhe Sigurinë, duke ofruar një hapësirë për diskutim, analizë dhe të nxënë praktik mbi sfidat me të cilat përballet Kosova dhe rajoni në një mjedis ndërkombëtar gjithnjë e më kompleks.

PIPS falënderon të gjithë ligjëruesit, pjesëmarrësit dhe bashkëpunëtorët për kontributin e tyre në zhvillimin e këtij seminari.

Programi i Shkollës Politike mbështetet nga Këshilli i Evropës dhe Demo Finland, ndërsa ky seminar u mbështet nga Konrad-Adenauer-Stiftung Kosovo (KAS).

Print

5726 Rate this article:

No rating

Programet	Shkolla Politike
Viti i publikimit	2026

Aktivitetet tjera