Politika e Jashtme Energjia dhe Ambienti Integrimi Evropian Qeverisja Cilësore

Politika e Jashtme

SuperUser Account / e martë, 17 mars 2020

Politika e jashtme

Programi për Analiza të Politikës së Jashtme (PAPJ) është i themeluar nga Instituti i Prishtinës për Studime Politike në vitin 2014. Programi ka për qëllim të analizojë dhe përkrahë integrimin Euro-Atlantik të Kosovës, duke prodhuar studime mbi zhvillimet e politikës rajonale, evropiane dhe globale, si dhe efektet e tyre mbi pozicionin e Kosovës.

Në një vështrim më të ngushtë, programi synon të fuqizojë debatit që i shërben integrimit të plotë të Kosovës brenda sistemit ndërkombëtar, të rrisë transparencën në fushën e politikës së jashtme kosovare karshi qyetetarëve, të lehtësojë procesin e zgjedhjes së politikave për vendimmarrësit dhe të rrisë kapacitetet e diplomacisë kosovare.

Përmes hulumtimit cilësor programi është i përkushtuar të shërbejë si urë lidhëse mes zyrtarëve Qeveritarë, politikbërësve, qytetarëve, diplomatëve, gazetarëve, shkollarëve etj. PAPJ është programi i parë dhe më eminent i dedikuar për hulumtimin e politikës së jashtme në Kosovë.

33181 Rate this article:

No rating

Aktivitetet nga Politika e Jashtme

PIPS nënshkruan memorandum bashkëpunimi me Akademinë Diplomatike të Kosovës

7 dhjetor 2021

Angazhimi ynë në analizën e politikës së jashtme dhe diplomaci është shënuar me arritjen e radhës.

Më 6 Dhjetor 2021 znj. Leonora Kryeziu, Drejtoreshë e PIPS dhe z. Sabri Kiçmari, Drejtor i Përgjithshëm i Akademisë Diplomatike kanë nënshkruar marrëveshjen e bashkëpunimit ndërmjet dy institucioneve.

e martë, 7 dhjetor 2021/Author: Diona Kusari/Numri i shikimeve (2868)/Comments (0)/ Article rating: No rating

Kategoria: Aktivitetet

Etiketimet:

Tryeza "Kthimi i faqes drejt një kapitulli të ri? Ndërtimi i besimit mes Kosovës dhe Serbisë"

26 tetor 2021

Më 26 Tetor PIPS ka mbajtur tryezën e diskutimit me temën "Kthimi i faqes drejt një kapitulli të ri? Ndërtimi i besimit mes Kosovës dhe Serbisë".

Diskutimi mblodhi politikan, ish-ambasador e ndër të pranishmëve ishte dhe znj. Sonja Biserko nga Komiteti i Helsinkit për të Drejtat e Njeriut. Të pranishmit diskutuan rreth cështjes së normalizimit të marrëdhënieve Kosovë-Serbi dhe mundësive të krijimit të besimit mes dy shteteve.

e martë, 26 tetor 2021/Author: Diona Kusari/Numri i shikimeve (2807)/Comments (0)/ Article rating: No rating

Kategoria: Aktivitetet

Etiketimet:

Diskutimi "Rajonalizmi ballkanik 2021: SEFTA dhe Ballkani i Hapur"

15 shtator 2021

Më 13 Shtator PIPS ka mbajtur diskutimin e mbyllur mbi temën "Rajonalizmi ballkanik 2021: SEFTA dhe Ballkani i Hapur" me akterë nga qeveria, opozita dhe ekspertë të fushës.

Kjo ngjarje solli në tavolinë pikëvështrimet e palëve rreth marrëveshjeve SEFTA dhe Open Balkan, dhe ballafaqoi qëndrimet e akterëve kyçë për të matur mundësinë për një qëndrim të unifikuar të akterëve rreth marrëveshjeve rajonale.

Gjatë kësaj tryeze u diskutua:
- Artikulimi i pozicioneve dhe iniciativës së njëanshme krahas nevojës për krijimin dhe përforcimin e aleancave ndërshtetërore dhe moscënimin e humbjes së aleatëve strategjikë;
- integrimi rajonal si përgjigje ndaj ngecjes së integrimit evropian të rajonit dhe siguria e partneriteve rajonale pa barazinë e palëve në tavolinë dhe ballafaqimin me të kaluarën;
- tendenca për të parë integrimin evropian si ekskluzivisht të ndarë prej marrëveshjeve dhe integrimit rajonal;
- nevoja për komunikim të brendshëm dhe maturi në mbrojtjen e interesave shtetërore duke pasur parasysh kontekstin politik në vend dhe rajon.

e mërkurë, 15 shtator 2021/Author: Diona Kusari/Numri i shikimeve (3860)/Comments (0)/ Article rating: No rating

Kategoria: Aktivitetet

Etiketimet:

RSS

Më shumë

Publikimet nga Politika e Jashtme

e mërkurë, 23 shkurt 20220

Perspektivat e Kosovës për t'iu bashkangjitur Organizatës Botërore Tregtare (OBT): Një vlerësim i shkurtër i rrugëve të vendimmarrjes

Që nga viti 2018 Kosova nuk ka aplikuar për anëtarësim në asnjë organizatë të madhe ndërkombëtare.

Edhe pse zgjerimi i prezencës në organizatat ndërkombëtare ka qenë një nga synimet kryesore tëpolitikës së jashtme të Kosovës në periudhën e pas-pavarësisë, anëtarësimi në Komisionin e Venecias në vitin 2014 mbetet aderimi i fundit shumëpalësh i madh për Kosovën.

Në Programin e Qeverisë 2021-2025 janë përfshirë disa angazhime për aderime shumëpalëshe. Një nga angazhimet më të rëndësishme është paraqitja e aplikimit për anëtarësim në Organizatën Botërore të Tregtisë.

Ky shënim politikash diskuton perspektivat e Kosovës për t’iu bashkuar kësaj organizate, në dritën e funksioneve dhe rëndësisë që ky organ shumëpalësh luan për ekonominë globale sot.

e martë, 15 shkurt 20220

Vjetari i Politikës së Jashtme në Kosovë (2021)

Publikimi ynë i fundit synon të ofrojë një pasqyrë të punëve të jashtme të Kosovës në vitin 2021. Raporti është pjesë e përkushtimit të PIPS për të dokumentuar dhe analizuar çdo vit politikat e punëve të jashtme të Kosovës.
Studimi fokusohet në ngjarjet kryesore dhe zhvillimet e politikave që kanë dominuar marrëdhëniet e jashtme të Kosovës, si dhe sukseset dhe sfidat me të cilat ballafaqohet në zbatimin e qëllimeve kyçe të politikës së jashtme. Synon të dokumentojë zhvillimet kryesore që formësojnë diplomacinë dypalëshe të Kosovës, dialogun me Serbinë, njohjen dhe anëtarësimin në organizata ndërkombëtare dhe
integrimin euroatlantik.

e hënë, 17 janar 20220

SEFTA 'Propozimi i ri per Bashkepunim ne Ballkanin Perendimor'

Bashkëpunimi rajonal në Ballkan shoqërohet me një mosbesim të thellë mes shteteve. Nisma të ndryshme të inicuara nga Bashkimi Evropian apo anëtarë të BE-së, kanë instaluar mekanizma të ndryshëm për të facilituar marrëdheniet rajonale dhe maksimizuar përfitimet për të gjitha shtetet pjesëmarrëse. Megjithatë, shpesh herë ky nuk ka qenë rasti. Ky Shënim Politikash analizon në kontekst krahasues propozimin e qeverisë me marrëveshjen ekzistuese për bashkëpunim ekonomik. Ndërkaq, për më tepër jep një pasqyrë se si do të funksiononte propozimi i ri, në kuadrin normativ.

RSS

Më shumë

Energjia dhe Ambienti

SuperUser Account / e martë, 17 mars 2020

/ Kategoria: Energjia dhe Ambienti

Energjia dhe Ambienti

PIPS është angazhuar në hulumtim, ngritje të kapaciteteve dhe avokim në fushën e energjisë dhe ambientit për një periudhë disavjeçare. Prej vitit 2012 PIPS është pjesë e Iniciativës Rajonale për Dialog Publik, të mbështetur nga GIZ Open Regional Fund for South-East Europe-Energy Efficiency, qëllimi i së cilës është të rrisë debatin publik mbi efiçiencën e energjisë dhe mbrojtjen klimatike në shtatë shtetet e Ballkanit.

Gjatë këtyre viteve, PIPS ka organizuar një numër ngjarjesh (dëgjime parlamentare, tryeza diskutimi, punëtori, shkëmbime rajonale) dhe poashtu ka publikuar raporte politikash, duke i kontribuar dialogut publik mbi temat e lartëpërmendura, avokuar te politikëbërësit, rritur vëmendjen e mediave dhe organizatave të shoqërisë civile, ofruar rekomandime për hapat e rradhës dhe duke rritur bashkëpunimin rajonal dhe ndërsektorial.

Në periudhën prej 2017 deri në 2020 PIPS ka bashkëpunuar me deputetët e Kuvendit të Kosovës, partnerë, ekspertë të energjisë dhe ekspertë të mobilitetit urban, deputetë nga rajoni, dhe deputetë nga Parlamenti Evropian në mbajtjen e disa aktiviteteve me qëllim të ngritjes së kapaciteteve të deputetëve kosovarë dhe rritjes së debatit rreth temave të eficiencës së energjisë dhe mobilitetit urban. Aktivitetet në kuadër të këtij projekti kanë intensifikuar diskutimet në Kuvendin e Kosovës dhe ndërmjet Kuvendit dhe shoqërisë civile për mbrojtjen e ambientit, zhvillimin e qëndrueshëm, dhe zhvillimim e politikave të ambientit në pajtim me Direktivat e BE-së dhe obligimet e Kosovës si shtet kontraktues në Komunitetin e Energjisë. Ky angazhim ka iniciuar diskutimin për krijimin e Grupit të Gjelbër të Deputetëve në Kuvendin e Kosovës, gjë që u realizua në Prill të vitit 2019.

Më tutje, në vitin 2019 duke parë nevojën për raportim cilësor të mediave kosovare rreth çështjeve të efiçiencës së energjisë, energjisë së qëndrueshme dhe ndryshimit klimatik, PIPS ka filluar zbatimin e projektit "Ngritja e kapaciteteve të gazetarëve kosovarë në fushën e energjisë dhe ambientit".

33206 Rate this article:

No rating

Aktivitetet nga Energjia dhe Ambienti

Ngjarja përmbyllëse e Programit për gazetarët në fushën e energjisë dhe mjedisit dhe ndarja e cmimeve për shkrimet më të mira

1 dhjetor 2020

Më 1 Dhjetor PIPS ka përmbyllur angazhimin një-vjecar në kuadër të Programit për gazetarë që raportojnë në fushën e energjisë dhe mjedisit.

Si pjesë e këtij programi PIPS me mbështetjen e GIZ, gjatë këtij viti ka mbajtur seminarin për energjinë dhe planifikimin e qëndrueshëm mjedisor, punëtorinë për raportimin mjedisor si dhe ka organizuar konkursin për shkrimet më të mira për cështje të energjisë dhe mjedisit.
Në ngjarjen e fundit PIPS ka ndarë certifikatat për pjesëmarrësit e Programit, si dhe ka ndarë cmimet për tre shkrimet më të mira.

e martë, 1 dhjetor 2020/Author: Diona Kusari/Numri i shikimeve (6870)/Comments (0)/ Article rating: No rating

Kategoria: Aktivitetet

Etiketimet:

Gazetarët e Programit për Energji dhe Ambient takohen me Grupin e Deputetëve të Gjelbër

27 nëntor 2020

Me 27 Nëntor grupi i gazetarëve të Programit të PIPS për gazetarët në energji dhe ambient u takuan me Grupin e Deputetëve të Gjelbër (GDGJ).

Gazetarët patën mundësinë të njoftohen me objektivat afatshkurte dhe afatgjata të GDGJ dhe angazhimin e tyre në çështjet e mbrojtjes së mjedisit, dhe prioritizimin e tyre në agjendën nacionale.

Më tutje, diskutimi mbuloi cështjen e hidrocentraleve dhe situatës energjetike, orientimin e politikave zhvillimore kah qëndrueshmëria si dhe ngritjen e vetëdijes për mbulimin e temave mjedisore edhe nga mediat kosovare.

e premte, 27 nëntor 2020/Author: Diona Kusari/Numri i shikimeve (6772)/Comments (0)/ Article rating: No rating

Kategoria: Aktivitetet

Etiketimet:

Punëtoria për raportimin mjedisor me gazetarët kosovarë

25 tetor 2020

Prej 13 deri më 20 tetor 2020 organizuam punëtorinë për raportim mjedisor me gazetarin gjerman Dirk Asendorpf dhe grupin e gazetarëve kosovarë të profilizuar në hulumtumin dhe shkrimin rreth çështjeve të mjedisit. Përgjatë katër sesioneve, në fasilitimin e ekspertit të huaj, gazetarët kosovarë patën mundësinë të dëgjonin për historinë e raportimit mjedisor, sfidat e tanishme, praktikat më të mira, këndet e raportimit, mënyrat e prezantimit të storieve si dhe përvojat nga Gjermania.

e diel, 25 tetor 2020/Author: Diona Kusari/Numri i shikimeve (6942)/Comments (0)/ Article rating: No rating

Kategoria: Aktivitetet

Etiketimet:

RSS

Më shumë

Publikimet nga Energjia dhe Ambienti

e hënë, 6 shtator 20210

Siguria e Ujit në Kosovë dhe Marrëveshja e Uashingtonit

Sfidat që rrjedhin nga mungesa e koordinimit dhe normalizimit të marrëdhënieve politike me Serbinë e kanë tensionuar menaxhimin e Ujmanit dhe kanalit Ibër. Duke e pasur këtë parasysh, diskutimet e drejtuara nga SHBA-të në Shtëpinë e Bardhë më 4 shtator 2020 u përpoqën të trajtonin këtë çështje dhe në pikën shtatë të marrëveshjes u propozua një studim fizibiliteti që shikonte mundësitë e përdorimit të përbashkët të rrjedhës së ujit.

Ky shkrim përmbledhës synon të analizojë rastin e “Liqenit të Ujmanit” duke u fokusuar në bashkëpunimin rajonal dhe rëndësinë ekonomike. Për më tepër, ky shkrim përqendrohet në rëndësinë gjeopolitike të Liqenit të Ujmanit, Marrëveshjen e Uashingtonit dhe rekomandimet e dala nga kjo marrëveshje, rastet e ngjashme dhe precedentët ndërkombëtarë për menaxhimin e përbashkët të resurseve ujore, si dhe pasojat e marrëveshjes.

e martë, 27 korrik 20210

Sektori i energjisë në Kosovë: Bashkëpunimi rajonal dhe projektet e gazifikimit

Kosova është në një udhëkryq sa i përket sektorit të energjisë: "rritje ekonomike tani - zgjidhja e efekteve negative më vonë" apo "zhvillimi i qëndrueshëm".

Pjesë e zgjidhjes së qeverisë kosovare do të jenë edhe projektet e rëndësishme të gazifikimit të cilat priten të zhvillohen.

Publikimi jonë i fundit sqaron zhvillimit e infrastrukturës dhe projekteve të gazifikimit në Kosovë.

e hënë, 30 shtator 20190

PMQU - Një angazhim i përbashkët: Drejt një koordinimi gjithëpërfshirës institucional dhe zhvillim të politikave për draftimin dhe zbatimin e planeve të mobilitetit të qëndrueshëm urban

Ky punim jep një sqarim të shkurtër të përfitimeve që një Plan i Mobilitetit të Qëndrueshëm Urban (PMQU) mund të ketë për qytetet, si dhe hulumton mundësitë se si niveli kombëtar, dmth. deputetët e Kuvendit të Kosovës, mund të mbështesin ose lehtësojnë drejtpërdrejtë ose indirekt zbatimin e PMQU-ve në qytete.

RSS

Më shumë

Integrimi Evropian

SuperUser Account / e martë, 17 mars 2020

/ Kategoria: Integrimi Evropian

Integrimi Evropian

Për PIPS integrimi i Kosovës por edhe gjithë rajonit të Ballkanit Perëndimor në Bashkimin Evropian shihet si parakusht për përmirësimin e jetës së njerëzve dhe funksionimit të institucioneve. Për këtë arsye, PIPS është përfshirë aktivisht në procesin e përmbushjes së standardeve evropiane nga institucionet kosovare, përmes mbikqyrjes, ofrimit të rekomandimeve apo organizimit të trajnimeve për rritje të kapaciteteve.

Qëllimi i kësaj shtylle është zbatim sa më i shpejtë dhe cilësor, si dhe institucione kosovare të gatshme për përmbushje të obligimeve që rrjedhin nga Acquis Communautaire. Në të shkuarën PIPS ka punuar në promovimin e Marrëveshjes së Stabilizim Asociimit, ndërsa aktualisht punon në mbikëqyrjen e dokumentit të Agjendës për Reforma Evropiane (ERA). Për zbatimin e aktiviteteve të këtij programi PIPS bashkëpunon me Zyren e BE-së në Prishtinë, Ministrinë e Integrimit Evropian (MIE), por edhe organizata dhe institucione tjera.

33229 Rate this article:

No rating

Aktivitetet nga Integrimi Evropian

Diskutimi për Agjendën për Reformën Evropiane II dhe publikimi i 'Fillimi i një ERA të re"

15 tetor 2021

Më 14 Tetor PIPS ka mbajtur tryezën e diskutimit me temën "Agjenda për Reforma Evropiane II", gjatë së cilës u prezantua edhe publikimi jonë i fundit "Fillimi i një ERA të Re!"

Duke pasur parasysh rëndësinë që ERA II ka tani në rrugën e integrimit në BE dhe reformat e nevojshme për Kosovën, është kritike të kapërcehen pengesat e përjetuara më parë prandaj ky publikim paraqet një pasqyrë të zbatimit të ERA 1 dhe jep rekomandime të cilat mund të përmirësojnë zbatimin e përgjithshëm të ERA II.

e premte, 15 tetor 2021/Author: Diona Kusari/Numri i shikimeve (3672)/Comments (0)/ Article rating: No rating

Kategoria: Aktivitetet

Etiketimet:

Diskutimi mbi Reformën e Administratës Publike në Kosovë

14 korrik 2021

Më 14 Korrik PIPS mbajti diskutimin për ecurinë e reformës së administratës publike në Kosovë.

Diskutimi mblodhi hulumtues, përfaqësues të shoqërisë civile, përfaqësues qeveritarë e shërbyes civilë për të folur për ngecjet dhe koordinimin e duhur për progresin e kësaj reforme të nevojshme.

Gjatë diskutimit u prezantua raporti përmbledhës për reformën e administratës publike, i punuar nga PIPS.

Kontribut në panel dhanë Znj. Venera Ramaj nga Ambasada e Mbretërisë së Holandës në Kosovë, Z. Valon Gashi nga Zyra për Kritere Politike e Zyrës së Kryeministrit dhe Z. Demush Shasha nga Instituti EPIK.

Pikat kryesore nga diskutimi ishin:
- Mungesa e vizionit dhe vullnetit politik si dhe jostabiliteti politik kanë ndikuar në stagnimin e reformës;
- Digjitalizimit të administratës publike duhet t'i vihet theks të veçantë si pjesë e reformës dhe për arsye të përfitimeve të cilat do të pasonin;
- Për krijimin e hovit për reformën duhet edhe të forcohet koordinimi ndërmjet nivelit lokal dhe qendror;
- Reforma nuk duhet të shihet vetëm si kusht nga BE-ja por edhe si mundësi për përafrimin me BE-në.

e mërkurë, 14 korrik 2021/Author: Diona Kusari/Numri i shikimeve (4492)/Comments (0)/ Article rating: No rating

Kategoria: Aktivitetet

Etiketimet:

Diskutim mbi Reformën e Sistemit të Inspektimeve në Kosovë

11 maj 2021

Më 11 Maj PIPS mbajti diskutimin për reformën e sistemit të inspektimeve në vend, ku morrën pjesë përfaqësues nga inspektoratet, ministritë përgjegjëse dhe shoqëria civile.

Gjatë kësaj ngjarje u prezantua analiza e PIPS si dhe u mbajt një diskutim mes pjesëmarrësve dhe panelistëve rreth aspekteve ligjore të reformës, kontekstit të tanishëm dhe pengesat e inspektorateve në lidhje me zbatimin e reformës.

e martë, 11 maj 2021/Author: Diona Kusari/Numri i shikimeve (4642)/Comments (0)/ Article rating: No rating

Kategoria: Aktivitetet

Etiketimet:

RSS

Më shumë

Publikimet nga Integrimi Evropian

e mërkurë, 23 shkurt 20220

Perspektivat e Kosovës për t'iu bashkangjitur Organizatës Botërore Tregtare (OBT): Një vlerësim i shkurtër i rrugëve të vendimmarrjes

e martë, 15 shkurt 20220

Vjetari i Politikës së Jashtme në Kosovë (2021)

e enjte, 27 janar 20220

Reforma e Sistemit të Drejtësisë gjatë vitit 2021

Sistemi i drejtësisë deri më tani ka kaluar nëpër reforma të vazhdueshme dhe ka pasur përpjekje nga Qeveri të ndryshme për të trajtuar me prioritet sfidat afatgjata që pamundësojnë funksionimin e institucioneve të drejtësisë dhe ofrimin e drejtësisë për qytetarët. Kjo analizë ka për qëllim të diskutojë gjendjen aktuale të reformës së sistemit të drejtësisë në Kosovë gjatë vitit 2021, në veçanti në kontekst të zbatimit të MSA-së dhe reformave të tjera për integrim në BE.

RSS

Më shumë

Qeverisja Cilësore

SuperUser Account / e enjte, 26 mars 2020

/ Kategoria: Qeverisja cilesore

Qeverisja Cilësore

Programi i Qeverisjes Cilësore harton dhe implementon projekte që mbikëqyrin proceset e politikbërjes, vendimmarrjes dhe zbatimit nga institucionet e Kosovës. Programi përqendrohet në sigurimin e qeverisjes cilësore përmes respektimit të vlerave dhe standardeve demokratike, duke i kontribuar interesit publik dhe jetës së qytetarëve. Bazuar mbi këtë, PIPS bashkëpunon me institucionet e nivelit nacional dhe lokal. Në vitin 2020 me përkrahjen e Ambasadës së Mbretërisë së Holandës, PIPS po mbikëqyr zbatimin e Programit të Qeverisë nga institucionet e Kosovës, në partneritet me Lëvizja FOL. Vëmendje e veçantë i kushtohet fushave të administratës publike, përmbushjes së prioriteteve të Agjendës Evropiane dhe sundimit të ligjit.

33123 Rate this article:

No rating

Aktivitetet nga Qeverisja Cilësore

Çfarë janë duke bërë institucionet e Kosovës në raport me luftën kundër ekstremizit të dhunshëm?

8 dhjetor 2021

PIPS ka mbajtur diskutimin e rradhës në kuadër të Resilient Community Program (konzorcium me Advocacy Training and Resource Center - ATRC, PEN - Peer Educators Network dhe BIRN) mbështetur nga Global Community Engagement and Resilience Fund dhe USAID.

Në panel morrën pjesë Znj. Ganimete Gërbovci nga Ministria e Punëve të Brendshme, Znj. Adelina Ahmeti nga BIRN Kosovo, dhe Z. Skënder Përteshi nga Kosovar Center for Security Studies - KCSS.

Ky diskutim adresoi në thelb kombinimin e masave të ndryshme të ndërmarra nga institucionet e Kosovës, duke mos lënë anash pikëpamjet nga ana e medieve dhe shoqërisë civile.

Diskutimi tregoi se adresimi i këtij fenomeni nga institucionet e Kosovës është duke rezultuar me sukses. Institucionet e Kosovës ofrojnë mbështetje sociale për këtë grup.

e mërkurë, 8 dhjetor 2021/Author: Diona Kusari/Numri i shikimeve (3076)/Comments (0)/ Article rating: No rating

Kategoria: Aktivitetet

Etiketimet:

Mbahen fokus grupe për të diskutuar ndikimin politik dhe socio-ekonomik të pandemisë COVID-19

1 nëntor 2021

Impakti i pandemisë COVID19 në aspektin socio-ekonomik dhe në aspektin politik me OShC, medie, përfaqësues qeveritarë, përfaqësues të odave kosovare etj. Këto ishin temat që u trajtuan në dy fokus grupet e fundit nga PIPS, të financuara nga Balkan Trust for Democracy, një projekt i Fondit Gjerman Marshall të Shteteve të Bashkuara dhe USAID-it.

PIPS do të botojë dy studime të politikave për këto aspekte të ndikimit me të dhëna të dala nga këto fokus grupe poashtu.

e hënë, 1 nëntor 2021/Author: Diona Kusari/Numri i shikimeve (3860)/Comments (0)/ Article rating: No rating

Kategoria: Aktivitetet

Etiketimet:

Publikimi i rezultateve të anketës "Mendësia e qytetarëve rreth pyetjeve politike"

19 korrik 2021

PIPS në bashkëpunim me Konrad-Adenauer-Stiftung Kosovo ka publikuar rezultatet e anketës "Mendësia e qytetarëve rreth pyetjeve politike".

Publikimi ka nxjerrë të dhëna interesante rreth pikëvështrimeve të qytetarëve kosovarë për ndërlidhjen e shtetit me ekonominë, liritë individuale, ideologjinë e partitë politike në vend, pjesëmarrjen politike dhe segmentimin e votuesit kosovarë sipas krahut ideologjik.

Gjetjet e raportit u prezantuan më 19 Korrik. Prezantimin mund ta ndiqni përmes vegëzës: https://www.facebook.com/watch/live/?v=1018364208701645&ref=watch_permalink

e hënë, 19 korrik 2021/Author: Diona Kusari/Numri i shikimeve (4395)/Comments (0)/ Article rating: No rating

Kategoria: Aktivitetet

Etiketimet:

RSS

Më shumë

Publikimet nga Qeverisja Cilësore

e enjte, 7 prill 20220

Një vështrim i përgjithshëm i politikave dhe përpjekjeve rreth P/CVE në Ballkanin Perëndimor (II)

Rritja e jostabilitetit dhe konfliktet e hapura ushtarake kanë shkaktuar fenomenin e luftëtarëve të huaj terroristë në mbarë botën. Si rezultat, vendet ndërmorën veprime të menjëhershme për të parandaluar dhe kriminalizuar pjesëmarrjen e qytetarëve të tyre në konfliktet e huaja.

Kjo analizë e politikave synon të hedhë dritë mbi mënyrën se si gjashtë vendet e Ballkanit Perëndimor u përballën me parandalimin dhe luftimin e ekstremizmit të dhunshëm (P/CVE). Është e dyta e një serie analizash mbi këtë çështje.

Më saktësisht, kjo analizë ofron një këndvështrim statistikor rajonal në lidhje me numrin e qytetarëve që i bashkohen konflikteve të huaja, si dhe një pasqyrë të nismave të riatdhesimit dhe riintegrimit të ndërmarra nga gjashtë vendet e Ballkanit Perëndimor.

e enjte, 31 mars 20220

Opinioni Publik në Kryeqytet: Vlerësimi i Kënaqshmërisë me Shërbimet Komunale

Kjo analizë e politikave synon të vlerësojë performancën e komunës së Prishtinës gjatë mandatit të kaluar, bazuar në një anketë mbi kënaqësinë e publikut me shërbimet komunale.

Kjo do t’u mundësonte vendimmarrësve të kuptojnë performancën e perceptuar të institucioneve vendore dhe të planifikojnë dhe të japin përparësi në përputhje me rrethanat.

Duke marrë parasysh rolin që qeveritë komunale luajnë në ofrimin e shërbimeve publike për popullatën, identifikimi i perceptimeve të qytetarëve dhe fushave të shqetësimit është me rëndësi të madhe për politikëbërësit në nivel lokal.

e enjte, 10 mars 20220

Ndikimi politik i pandemisë COVID-19 në Kosovë

Gjatë 21 muajve nga ‘pacienti zero’ e deri në mesin e dhjetorit 2021, gjatë pandemisë Kosova ka kaluar nëpër kriza të shumëfishta. Kriza e drejtpërdrejtë është ajo e shëndetit publik.
Krahas krizës socio-ekonomike, e cila është kriza më serioze, gjatë pandemisë Kosova gjithashtu ka kaluar në krizën më serioze politike në historinë e saj si shtet, me jostabilitet politik të paparë deri më tani këtu.

Kjo analizë politikash synon të analizojë këto dhe zhvillime të tjera në Kosovë gjatë pandemisë, dhe fushëveprimi i saj janë tri komponentë: (jo)stabiliteti politik dhe qeverisja, funksionimi i organizatave të shoqërisë civile (OSHC) dhe liria e mediave.

Në këtë kontekst, në të analizohen pasojat e pandemisë dhe ndikimi i tyre negativ në këto tri komponentë të funksionimit të shtetit.

RSS

+383 (0)38 224 577

info@pips-ks.org
shkolla.politike@gmail.com

Rruga Rexhep Luci, 15/5, 10000 Prishtinë, Kosovë