SHKOLLA POLITIKE E PRISHTINËS KA HAPUR KONKURSIN PËR PRANIMIN E KANDIDATËVE PËR GJENERATËN E NJËZET E DYTË (22). e diel, 7 janar 20240

SHKOLLA POLITIKE E PRISHTINËS KA HAPUR KONKURSIN PËR PRANIMIN E KANDIDATËVE PËR GJENERATËN E NJËZET E DYTË (22).

Bëhuni pjesë e një udhëtim transformues me një nga programet e para të edukimit politik joformal në Kosovë! Shkolla Politike, e themeluar për të fuqizuar liderët në sferat politike, ekonomike, sociale dhe kulturore, ka hapur thirrjen për aplikim në gjeneratën e saj të 22-të. E ndërtuar mbi shtyllat e demokracisë, programi ynë shtrihet nga marsi deri në nëntor, duke përfshirë seminare, diskutime dhe ligjerata që kultivojnë të menduarit kritik dhe vlerat demokratike. Thellohuni në tema si Shteti dhe Shoqëria, Politika Publike, Ekonomia dhe Politika, Politika e Jashtme, Siguria Kombëtare, Partitë Politike dhe më shumë, duke u avancuar si liderët e ardhshëm të Kosovës.

Ceremonia e diplomimit të Gjeneratës së 21-të të Shkollës Politike e mërkurë, 6 dhjetor 20230

Ceremonia e diplomimit të Gjeneratës së 21-të të Shkollës Politike

21 VJET ME SHKOLLËN POLITIKE!

Teksa presim një vit premtues përpara, Shkolla Politike shënon konkludimin e programit të sivjetshëm dhe diplomimin e gjeneratës së 21-të të Shkollës Politike, duke e përmbyllur këtë rrugëtim me sukses.

Ceremonia e graduimit për gjeneratën e 21-të simbolizon fundin e një viti tjetër akademik i cili shërbeu edhe si një moment ritakimi me grupin tonë të alumnive.

Gjeneratës së fundit i urojmë sukses dhe shpresojmë që ky të jetë fillimi i bashkëpunimit tonë me një rrjet alumni që sa shkon e zgjerohet.


Falenderim i veçantë për Këshillin e Evropës, që për më shumë se dy dekada mundëson organizimin e Shkollës Politike, si dhe Konrad-Adenauer-Stiftung Kosovo për mbështetjen e tyre gjatë viteve.
Pjesëmarrja e gjeneratës së 21-të të Shkollës Politike në Forumin Botëror të Demokracisë, Strasbourg e martë, 14 nëntor 20230

Pjesëmarrja e gjeneratës së 21-të të Shkollës Politike në Forumin Botëror të Demokracisë, Strasbourg

Instituti i Prishtinës për Studime Politike, si traditë e shumevjetshme, mori pjesë në Forumin Botëror të Demokracisë me Gjeneratën e 21-të të Shkollës Politike të Kosovës, në qytetin e Strasburgut.

Nëpërmjet diskutimeve dhe sesioneve me tematika interesante të forumit, ne u futëm thellë në botën e demokracisë dhe morëm mësime të shumë të çmueshme gjatë këtyre kohërave sfiduese të demokracisë në botë.

Të Drejtat për Komunitetet Rurale e enjte, 5 tetor 20230

Të Drejtat për Komunitetet Rurale

"Të drejtat për komunitetet rurale (MRRC)" është një program gjashtëmujor i implementuar nga Instituti i Prishtinës për Studime Politike, i mbështetur nga CDF – Community Development Fund dhe GLPS – Grupi për Studime Juridike Politike, pjesë e projektit JustReact që financohet nga Bashkimi Evropian. Objektivi parësor i programit është fuqizimi dhe përkrahja e komuniteteve rurale dhe të largëta, veçanërisht në komunat e Dragashit, Kaçanikut, Hanit të Elezit, Shtërpcës dhe Deçanit, në kuadër të rajonit të Prizrenit, Pejës dhe Ferizajt. PIPS, së bashku me një ekip ekspertësh udhëton në këto komuna për të ofruar një sesion informues, duke ofruar mbështetje dhe konsultime mbi temat thelbësore të të drejtave të njeriut, duke përfshirë diskriminimin, dhunën gjinore dhe aksesin në drejtësi.

PIPS gjithashtu shpërndan materiale informuese, si broshura, postera në këto komuna për të mbajtur publikun të informuar për aktivitetet e mbajtura.
Mëposhtë, gjeni foto nga sesionet informuese të mbajtura gjatë muajit shtator dhe tetor si dhe linqet e postimeve të takimeve në rrjete sociale.
Seminari i IV-të i Shkollës Politike (Gjenerata e 21-të) Partitë Politike dhe Komunikimi Politik e mërkurë, 13 shtator 20230

Seminari i IV-të i Shkollës Politike (Gjenerata e 21-të) Partitë Politike dhe Komunikimi Politik

Seminari i IV i Shkollës Politike: Partitë Politike dhe Komunikimi Politik:


Kjo fundjavë shënoi seminarin e katërt dhe të fundit të të Gjeneratës '21 së Shkollës Politike!

Seminari “Partitë Politike dhe Komunikimi Politik” i cili u mbajt nga datat 9-10 shtator tek Pylli i Arinjve Prishtinë, doli të jetë një vikend me diskutime përmbajtësore, energji, ngazëllim dhe njohuri të thella. Si pjesëmarrësit e Shkollës, edhe ligjëruesit ndanë këndvështrimet e tyre, duke krijuar një platformë që nuk ishte asgjë më pak se fuqizuese intelektualisht.


Pikat kryesore:
Një zhytje e thellë në nuancat e partive politike si agjentë të demokratizimit dhe rolin e tyre kryesor në proceset zgjedhore si dhe ndikimi transformues i komunikimit politik dhe sfera dixhitale e mediave sociale.

Në ditën e parë kishim nderin të kishim ligjërues interaktiv si z. Bashmir Xhemaj për komunikimin politik, znj. Flutura Kusari për lirinë e shprehjes dhe z. Agon Maliqi për sfidat e populizmit.

Dita e dytë vazhdoi me sesione tërheqëse nga z. Adri Nurellari mbi thelbin dhe rëndësinë e partive politike dhe pikëpamjet e z. Adem Beha mbi demokracinë e brendshme të partive politike në Kosovë.

Programi i Shkollës Politike mbështetet nga Këshilli i Evropës.
RSS
123578910Last
Aktivitetet më të shikuara
 
Takimi i tretë i Platformës për Dialogun Ndërpartiak në Kosovë
Jon Krasniqi
/ Kategoria: Aktivitetet

Takimi i tretë i Platformës për Dialogun Ndërpartiak në Kosovë

Takimi i tretë i Platformës për Dialogun Ndërpartiak në Kosovë

Instituti i Prishtinës për Studime Politike – PIPS, me mbështetjen e Demo Finland, më 29 korrik organizoi takimin e tretë të Forumit për Dialog Ndërpartiak.

Në këtë takim morën pjesë përfaqësues të forumeve rinore të partive politike, të cilët patën mundësinë të diskutojnë për temën "Pse dhe si ka rëndësi kultura politike?" me z. Butrint Berisha.

Takimi filloi me një prezantim të shkurtër mbi kulturën politike, e cila kombinoi kornizën teorike me përvojat personale, duke inkurajuar pjesëmarrësit të reflektojnë mbi rolin e tyre brenda strukturave dhe vlerave politike.

Të rinjtë nga partitë politike, gjatë dialogut në stilin TimeOut, treguan gatishmëri për reflektim kritik dhe u diskutua se edhe pse reforma strukturore është e nevojshme, ndryshimi i vërtetë varet edhe nga transformimi i normave, pritshmërive dhe sjelljeve që përbëjnë jetën dhe kulturën politike. Kishte një mirëkuptim të përbashkët se kultura politike nuk është statike, ajo ndryshon me secilën gjeneratë – dhe se të rinjtë kanë një rol kyç në ndërtimin e një të ardhmeje më demokratike, gjithëpërfshirëse dhe pjesëmarrëse.

Një falenderim i veqantë për DEMO Finland për përkrahjen e vazhdueshme.

--

Treći sastanak Platforme za međustranački dijalog na Kosovu

Institut za političke studije iz Prištine – PIPS, uz podršku Demo Finland, organizovao je treći sastanak Foruma za međustranački dijalog 29. jula.

Na ovom sastanku učestvovali su predstavnici omladinskih foruma političkih partija, koji su imali priliku da diskutuju na temu „Zašto i kako je politička kultura važna?“ sa gospodinom Butrintom Berishom.

Sastanak je započeo kratkom prezentacijom o političkoj kulturi, koja je kombinovala teorijski okvir sa ličnim iskustvima, podstičući učesnike da razmisle o svojoj ulozi unutar političkih struktura i vrednosti.

Mladi iz političkih partija su tokom TimeOut dijaloga pokazali spremnost za kritičku refleksiju i prepoznali da, iako su strukturne reforme neophodne, stvarne promene zavise i od transformacije normi, očekivanja i ponašanja koji čine politički život i kulturu. Postojalo je zajedničko razumevanje da politička kultura nije statična, da se menja sa svakom generacijom, te da mladi imaju ključnu ulogu u izgradnji demokratskije, inkluzivnije i participativnije budućnosti.

Posebnu zahvalnost dugujemo Demo Finland na kontinuiranoj podršci.🙏

Previous Article Nënshkrimi i Deklaratës së përbashkët nga Forumet Rinore të Partive Politike
Next Article Takimi i dytë i Platformës për Dialogun Ndërpartiak në Kosovë
Print
1301 Rate this article:
No rating
Programet
  • Qeverisja cilësore
Viti i publikimit
  • 2025