e enjte, 10 tetor 20240

Seminari i V-të i Shkollës Politike (Gjenerata e 22-të) - Komunikimi Politik, Dezinformimi dhe Pjesëmarrja

Gjatë këtij vikendi, nga data 4 deri më 6 Tetor, u mbajt seminari i V-të, që përkon me seminarin e fundit të gjeneratës së 22-të të Shkollës Politike të PIPS. Tema e këtij seminari ishte “Komunikimi Politik, Dezinformimi dhe Pjesëmarrja”, ku si element kishte më shumë punën në grupe dhe tema më praktike.

e mërkurë, 2 tetor 20240

Seminari i IV-të i Shkollës Politike (Gjenerata e 22-të) - Zhvillimi i Qëndrueshëm - Politikat, Institucionet dhe Qeverisja

Këtë fundjavë, nga 20 deri më 22 shtator, mbajtëm Seminarin e IV-të të Shkollës Politike të PIPS me gjeneratën e 22-të, e cila kishte temën 'Zhvillimi i Qëndrueshëm - Politikat, Institucionet dhe Qeverisja'. Seminari pati ligjërata dhe diskutime rreth ekonomisë, zhvillimit të qëndrueshëm dhe qeverisjen efektive për përparimin e Kosovës.

Seminari solli tema interesante pë pjesëmarrësit, ku ata patën mundësi të eksploronin modele të ndryshme zhvillimi me z. Adri Nurellari dhe perspektiva të reja mbi ekonominë me z. Edison Jakurti. Diskutuam gjithashtu rëndësinë e qeverisjes efektive për rritjen ekonomike me z. Shpend Ahmeti, dhe rolin kyç të sundimit të ligjit në zhvillimin ekonomik me z. Dastid Pallaska

Sesione të tjera theksuan rrugën e Kosovës drejt integrimit në BE dhe bashkëpunimin rajonal, me njohuri të vlefshme nga z. Artan Çollaku dhe znj. Sytrime Dervisholli, si dhe rëndësinë e arsimit joformal dhe ICT-së në Kosovë nga z. Shpend Lila.

e premte, 6 shtator 20240

Seminarin Rajonal i Drejtësisë Tranzicionale në bashkëpunim me BFPE (Shkolla Politike e Serbisë) - 30 gusht - 1 shtator

Këtë fundjavë, nga 30 gushti deri më 1 shtator, PIPS organizonoi Seminarin Rajonal të Drejtësisë Tranzicionale në bashkëpunim me BFPE. Seminari i cili u organizua nën ombrellën e projektit rajonal “Mbështetja e BE-së për Ndërtimin e Besimit në Ballkanin Perëndimor”, i cili financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP), mblodhi 40 pjesëmarrës të përkushtuar nga Kosova dhe Serbia.

Ky seminar shërbeu si një platformë për dialog dhe mirëkuptim. Duke u fokusuar në drejtësinë tranzicionale dhe në kujtesën kolektive të konfliktit të vitit 1999 në Kosovë, ne inkurajuam një mjedis komunikimi të hapur për të mësuar më shumë rreth bazave të drejtësisë tranzicionale dhe për të shkëmbyer pikëpamje se si të trajtojmë të kaluarën në mënyrë të përgjegjshme.

Seminari filloi me një seancë mirëseardhëse të udhëhequr nga znj. Leonora Kryeziu (PIPS), z. Nuno Queirós (UNDP), znj. Eva Palatova (Zyra e BE-së) dhe znj. Svetlana Stefanovic (BFPE). Gjatë seminarit, ne patëm nderin të eksploronim tema shumë të rëndësishme me folës dhe ekspertë të ndryshëm të Drejtësisë Tranzicionale, si mekanizmat e drejtësisë tranzicionale me z. Thomas Unger, konteksti historik i konfliktit me znj. Sonja Biserko, dhe njohuri rreth përpjekjeve humanitare me z.Bekim Blakaj. Ndërsa, dr. Gëzim Visoka dhe znj. Jovana Radosavljević organizuan një diskutim të rëndësishëm mbi sfidat dhe mundësitë në arritjen e paqes së qëndrueshme. Fundjava u përmbyll me reflektime mbi median dhe memorializimin e udhëhequr nga z. Abit Hoxha dhe znj. Serbeze Haxhiaj.

e mërkurë, 3 korrik 20240

Seminari i III-të i Gjeneratës së 22-të së Shkollës Politike - Politika e Jashtme dhe Siguria Nacionale

Gjatë fundjavës (28-30 Qershor), Shkolla Politike organizoi seminarin e tretë për gjeneratën e saj të 22-të. Tema e seminarit të III-të ishte Politika e Jashtme dhe Siguria Nacionale. Vikendi ishte i mbushur me ligjërata/diskutime të rëndësishme nga përfaqësues të ndryshëm, të cilët diskutuan gjerësisht rreth Politikës së Jashtme, Sigurisë Nacionale dhe rolin e Kosovës në këtë fushë. Ishte një fundjavë e mbushur me diskutime interaktive, ligjërata interesante dhe momente dinamike!

Diskutimet gjatë seminarit ishin frytdhënëse dhe të dobishme për të gjithë pjesëmarrësit. Jemi mirënjohës për kontributin e të gjithë ligjëruesve, moderatorëve dhe pjesëmarrësve në suksesin e këtij seminarit.
Më poshtë, shihni disa momente nga Seminari i parë i Shkollës Politike.

Programi i Shkollës Politike mbështetet nga Këshilli i Evropës. Ky seminar i Shkollës Politike është mbështetur nga Konrad-Adenauer-Stiftung Kosovo.

e mërkurë, 15 maj 20240

Seminari i II-të i Shkollës Politike rreth Drejtësisë Tranzicionale dhe Mekanizmave të saj

Në edicionin e 2024 të Shkollës Politike, PIPS-i ka prezantuar një seminar që ka për fokus trajtimin e të kaluarës dhe drejtësisë tranzicionale.

Këtë vikend (10-12 Maj), PIPS zhvilloi këtë seminar, i dyti me radhë i Shkollës Politike, i cili ishte gjithashtu seminari i parë i programit për Drejtësinë Tranzicionale.

Seminari pati për fokus të veçantë që udhëheqësit e ardhshëm të jenë më mendjehapur dhe përfshirës, për të u angazhuar në çështje politike, dhe për të kuptuar rëndësinë e adresimit dhe ballafaqimit me të kaluarën. Pjesëmarrësit mësuan për komisionet e së vërtetës, ndjekjet penale, reparacionet, dhe reformat institucionale si mjete për të parandaluar përsëritjen e padrejtësive të kaluara. Seminari eksploroi temat e trajtimit të padrejtësive historike dhe balancimit të përgjegjësisë rreth pajtimit.

Gjatë fundjavës, pjesëmarrësit dëgjuan njëri-tjetrin, dhe u angazhuan në diskutime të ndjeshme, energjia ishte e madhe me ide dhe shpirt bashkëpunues.

RSS

1 2 3 4 5 6 7 8 9 10 Next Last

Aktivitetet më të shikuara

THIRRJE PËR APLIKIME PËR PUNË PRAKTIKE NË PIPS

Diona Kusari / e martë, 9 shkurt 2021

/ Kategoria: Aktivitetet

THIRRJE PËR APLIKIME PËR PUNË PRAKTIKE NË PIPS

PIPS ka hapur thirrjen për aplikime për praktikantë/e me pagesë. Puna praktike është part-time (20 orë në javë) për 2 muaj (me pajtimin e dy palëve mund të zgjatet).

Praktikantët do të angazhohen në:
- Organizimin dhe pjesëmarrjen në aktivitete që zhvillohen në kuadër të programeve të PIPS
- Asistencë në hulumtim dhe shpërndarjen e informacionit dhe publikimeve të prodhuara nga organizata
- Mbarëvajtjen e punëve administrative të zyrës

Kërkesat për aplikantët:
- Të jetë Student/e i/e vitit të tretë apo të katërt në fushat e Shkencës Politike, Juridikut, Ekonomikut, Politikave Publike dhe Administratës.
- Prapavijë e mirë akademike
- Njohuri të shkëlqyeshme të gjuhës shqipe dhe angleze
- Aftësi të mira të komunikimit, shkrimit dhe aftësi organizative
- Njohuri të mira teknologjike

Instituti i Prishtinës për Studime Politike (PIPS) është organizatë joqeveritare aktive në Kosovë që nga viti 2003. Programi kryesor i PIPS është Shkolla Politike, që organizohet që 18 vite tashmë dhe përfshin një rrjet prej më shumë se 600 alumni. Krahas kësaj, PIPS ka: Programin për Analiza të Politikës së Jashtme, Programin për Energji dhe Mjedis, Programin për Integrim Evropian dhe Qeverisje Cilësore. Aktivitetet kryesore të PIPS janë hulumtimi, rrjetëzimi dhe avokimi.

Misioni i PIPS është ngritja e kapaciteteve udhëheqëse të liderëve të rinjë brenda sektorëve të partive politike, shoqërisë civile, medias dhe biznesit, promovimi i praktikave të qeverisjes së mirë dhe vendimarrjes demokratike, përmirësimi i politikave të energjisë dhe mbrojtjes së ambientit, mbikëqyrja dhe përkrahja e integrimit të plotë të Kosovës në kornizën Euro-Atlantike, fuqizimi i dialogut politik dhe nxitja e bashkëpunimit rajonal.

Afati i fundit për aplikim është 21 Shkurt 2021.
Kandidatët e interesuar duhet të dërgojnë një CV-në dhe një letër motivimi në e-mailin: shkolla.politike@gmail.com

Print

22551 Rate this article:

No rating

Aktivitetet tjera