Takimi i parë me gazetarë në kuadër të programit “Gazetarët në fushën e energjisë dhe ambientit”

Më 27 dhjetor u mbajt takimi i parë me gazetarë në kuadër të programit “Gazetarët në fushën e energjisë dhe ambientit”. Gjatë këtij takimi u prezantua programi i detajuar për pjesëmarrësit si dhe gjendja aktuale në Kosovë sa i përket politikave për energji dhe ambient. Z. Avni Sfishta nga GIZ – Projekti i Kosovës për Efiçiencë të Energjisë, foli për rëndësinë e raportimit të mediave rreth çështjeve të mjedisit, ndërgjegjësimit të qytetarëve dhe efikasitetit të institucioneve. Poashtu, ai shpalosi disa nga problemet kyçe në Kosovë, si përdorimi i qymyrit si produkt të parë për ngrohje duke njohur ndikimin e tij në çështje të klimës dhe mjedisit; si dhe dekarbonizimi si kriter në kuadër të obligimeve ndaj BE – kriter i cili është ndër problemet kyçe të Kosovës.