e hënë, 1 nëntor 20210

Mbahen fokus grupe për të diskutuar ndikimin politik dhe socio-ekonomik të pandemisë COVID-19

Impakti i pandemisë COVID19 në aspektin socio-ekonomik dhe në aspektin politik me OShC, medie, përfaqësues qeveritarë, përfaqësues të odave kosovare etj. Këto ishin temat që u trajtuan në dy fokus grupet e fundit nga PIPS, të financuara nga Balkan Trust for Democracy, një projekt i Fondit Gjerman Marshall të Shteteve të Bashkuara dhe USAID-it.

PIPS do të botojë dy studime të politikave për këto aspekte të ndikimit me të dhëna të dala nga këto fokus grupe poashtu.

e martë, 26 tetor 20210

Tryeza "Kthimi i faqes drejt një kapitulli të ri? Ndërtimi i besimit mes Kosovës dhe Serbisë"

Më 26 Tetor PIPS ka mbajtur tryezën e diskutimit me temën "Kthimi i faqes drejt një kapitulli të ri? Ndërtimi i besimit mes Kosovës dhe Serbisë".

Diskutimi mblodhi politikan, ish-ambasador e ndër të pranishmëve ishte dhe znj. Sonja Biserko nga Komiteti i Helsinkit për të Drejtat e Njeriut. Të pranishmit diskutuan rreth cështjes së normalizimit të marrëdhënieve Kosovë-Serbi dhe mundësive të krijimit të besimit mes dy shteteve.

e enjte, 21 tetor 20210

Takimi i parë i programit për edukim politik për të rinjtë rom, ashkali dhe egjiptian

Instituti i Prishtinës për Studime Politike (PIPS) ka startuar me programin e edukimit politik për të rinjtë e Komuniteteve rom, ashkali dhe egjiptian në Kosovë me mbështetjen e Zyrës së Këshillit të Evropës në kuadër to Programit ROMACTED II.

Më 21 tetor u mbajt takimi i parë informues me 25 pjesëmarrësit e ciklit të parë të programit.

e premte, 15 tetor 20210

Diskutimi për Agjendën për Reformën Evropiane II dhe publikimi i 'Fillimi i një ERA të re"

Më 14 Tetor PIPS ka mbajtur tryezën e diskutimit me temën "Agjenda për Reforma Evropiane II", gjatë së cilës u prezantua edhe publikimi jonë i fundit "Fillimi i një ERA të Re!"

Duke pasur parasysh rëndësinë që ERA II ka tani në rrugën e integrimit në BE dhe reformat e nevojshme për Kosovën, është kritike të kapërcehen pengesat e përjetuara më parë prandaj ky publikim paraqet një pasqyrë të zbatimit të ERA 1 dhe jep rekomandime të cilat mund të përmirësojnë zbatimin e përgjithshëm të ERA II.

e mërkurë, 15 shtator 20210

Diskutimi "Rajonalizmi ballkanik 2021: SEFTA dhe Ballkani i Hapur"

Më 13 Shtator PIPS ka mbajtur diskutimin e mbyllur mbi temën "Rajonalizmi ballkanik 2021: SEFTA dhe Ballkani i Hapur" me akterë nga qeveria, opozita dhe ekspertë të fushës.

Kjo ngjarje solli në tavolinë pikëvështrimet e palëve rreth marrëveshjeve SEFTA dhe Open Balkan, dhe ballafaqoi qëndrimet e akterëve kyçë për të matur mundësinë për një qëndrim të unifikuar të akterëve rreth marrëveshjeve rajonale.

Gjatë kësaj tryeze u diskutua:
- Artikulimi i pozicioneve dhe iniciativës së njëanshme krahas nevojës për krijimin dhe përforcimin e aleancave ndërshtetërore dhe moscënimin e humbjes së aleatëve strategjikë;
- integrimi rajonal si përgjigje ndaj ngecjes së integrimit evropian të rajonit dhe siguria e partneriteve rajonale pa barazinë e palëve në tavolinë dhe ballafaqimin me të kaluarën;
- tendenca për të parë integrimin evropian si ekskluzivisht të ndarë prej marrëveshjeve dhe integrimit rajonal;
- nevoja për komunikim të brendshëm dhe maturi në mbrojtjen e interesave shtetërore duke pasur parasysh kontekstin politik në vend dhe rajon.

RSS

First Previous 4 5 6 7 8 9 10 11 12 13 Next Last

Aktivitetet më të shikuara

Seminari i parë i Shkollës Politike 2018 “Shteti dhe Shoqëria: Identiteti Politik, Qeverisja dhe Rendi Politik”

Diona Kusari / e diel, 4 mars 2018

/ Kategoria: Aktivitetet

Seminari i parë i Shkollës Politike 2018 “Shteti dhe Shoqëria: Identiteti Politik, Qeverisja dhe Rendi Politik”

Në datat 2-4 Mars Shkolla Politike mbajti Seminarin e parë për Gjeneratën e 16-të me temën “Shteti dhe Shoqëria: Identiteti Politik, Qeverisja dhe Rendi Politik”. Ky Seminar u përqëndrua në procesin e shtetndërtimit të Kosovës pas avancimit formal politik nga administrimi i OKB në krijimin e shtetit, gjithashtu duke prekur rolin e akterëve dhe kontekstit ndërkombëtar në këtë proces. Hapja e Seminarit u bë nga Leonora Kryeziu, Drejtoreshë Ekzekutive e PIPS, si dhe Granit Ternava, përfasësues i Konrad Adenauer Stiftung, fondacioni që ka bashkëpërkrahur këtë Seminar. Gjithashtu, gjatë hapjes pjesëmarrësit e Shkollës Politike patën rastin të dëgjojnë ligjëratën Këshilli i Evropës: Roli në Promovimin e Demokracisë nga Gjylieta Mushkolaj, ku u diskutua mbi rolin e KE, mundësitë që paraqet për Kosovën kjo organizatë dhe procesin e harmonizimit të legjislacionit, në përputhje me standardet e kësaj organizate.
Në ditën e parë të Seminarit Adem Beha, ligjërues në UP, mbajti një ligjëratë mbi Shtetin si Kornizë Fundamentale të Jetës Politike, ndërsa Ermal Hasimja, Profesor në Universitetin Evropian të Tiranës ligjëroi mbi legjitimimin e shtetit, pjesëmarrjen, përfaqësimin dhe qeverisjen. Në ditën e dytë pjesëmarrësit e Shkollës mbajtën tre ligjërata: me Gëzim Visokën, shkencëtar politik në Universitetin e Dublin, që ligjëroi temën Njohja Ndërkombëtare e Kosovës: Shtetndërtimi, Pavarësia dhe Njohjet; me Anton VUKPALAJ, Profesor në Universitetin e Prishtinës, mbi Paqendërtimn dhe Drejtësinë Tranzicionale në Ballkanin Perëndimor; dhe me Adri Nurellarin, mbi Shtetin si Funksion dhe Organizimin e Sistemit të Shtetësisë. Në ditën e tretë Krenar Gashi, kandidat për PhD në Universitetin e Gent, ligjëroi me temën Kosova në kontekstin e Integrimit Europian, ndërsoi diskutimi final mbi Procesin e Shtetndërtimit të Kosovës u mbajt me përfaqësues nga partitë politike: Memli Krasniqi (PDK) dhe Hykmete Bajrami (LDK).

Print

27882 Rate this article:

No rating

Programet	Shkolla Politike
Viti i publikimit	2018

Aktivitetet tjera