Seminari i tretë "Politika e Jashtme dhe Siguria Kombëtare" me Shkollën Politike 2018 e diel, 24 qershor 20180

Seminari i tretë "Politika e Jashtme dhe Siguria Kombëtare" me Shkollën Politike 2018

Në datat 22-24 Qershor, Shkolla Politike e Prishtinës organizoi seminarin e tretë, me temën "Politika e Jashtme dhe Siguria Kombëtare". Në këtë seminar kontribuan: Robert Muharremi (Ligjërues i Marrëdhënieve Ndërkombëtare në RIT), Blerim Reka (Ligjërues i Integrimeve Evropiane në Universitetin Juglindor të Tetovës), Ardian Hackaj (Instituti për Zhvillim dhe Bashkëpunim- Tiranë), Burim Ramadani (Zëvëndësministër i MFSK) dhe Florian Qehaja (Drejtor i QKSS). 

Vizitë studimore me deputetë në Berlin rreth praktikave më të mira për efiçiencën e energjisë e shtunë, 9 qershor 20180

Vizitë studimore me deputetë në Berlin rreth praktikave më të mira për efiçiencën e energjisë

Instituti i Prishtinës për Studime Politike, si partner implementues me Deutsche Gesellschaft fur Internationale Zusammenarbeit (GIZ) GmbH; në kuadër të projektit "Bashkëpunimi rajonal dhe ngritja e kapaciteteve të parlamentarëve në Evropën Juglindore mbi temën e eficiencës së energjisë dhe mbrojtjes klimatike" kanë mbajtur vizitën studimore në Berlin të Gjermanisë (6-9 Qershor) me qëllim të njoftimit të deputetëve prej gjashtë vendeve të Ballkanit Perëndimor me praktikat më të mira të Parlamentit Gjerman për avokimin rreth implementimit dhe përmirësimit të eficiencës së energjisë, mborjtjes klimatike dhe politikave të mobilitetit urban.

Tryeza "Agjenda për Reforma Evropiane (ERA): Sfidat dhe Pritjet" dhe lansimi i raportit "ERA e Ngecjes" e hënë, 28 maj 20180

Tryeza "Agjenda për Reforma Evropiane (ERA): Sfidat dhe Pritjet" dhe lansimi i raportit "ERA e Ngecjes"

Më 28 Maj 2018, u organizua Tryeza e Diskutimit me temën "Agjenda për Reforma Evropiane (ERA): Sfidat dhe Pritshmëritë". Gjatë kësaj ngjarje znj. Albana MERJA nga Grupi për Studime Juridike dhe Politike prezantoi të gjeturat prej raportit mbi implementimin e Agjendës për Reforma Evropiane, të titulluar "ERA e ngecjes" dhe u mbajt një panel diskutimi. 

Mbahet tryeza e diskutimit: "Anëtarësimi i Kosovës në Organizata Ndërkombëtare: Këshilli i Evropës dhe INTERPOL" e mërkurë, 23 maj 20180

Mbahet tryeza e diskutimit: "Anëtarësimi i Kosovës në Organizata Ndërkombëtare: Këshilli i Evropës dhe INTERPOL"

Instituti i Prishtinës për Studime Politike me datën 23 Maj 2018 organizoi tryezën tematike "Anëtarësimi i Kosovës në Organizata Ndërkombëtare: Këshilli i Evropës dhe INTERPOL". Në këtë tryezë morrën pjesë: Robert MUHARREMI (Ekspert i Marrëdhënieve Ndërkombëtre), Veton ELSHANI (Kryesues i Grupit Punues për Anëtarësim në INTERPOL), Glauk KONJUFCA (Deputet/ Ish-anëtar i Delegacionit të Kosovës në KE), Gjylieta MUSHKOLAJ (Profesoreshë në Fakultetin Juridik në Universitetin e Prishtinës). 

Tryezë diskutimi:"Politika e Jashtme e Kosovës: Prioritetet dhe Sfidat" e hënë, 23 prill 20180

Tryezë diskutimi:"Politika e Jashtme e Kosovës: Prioritetet dhe Sfidat"

Instituti i Prishtinës për Studime Politike me datën 23 Prill organizoi tryezën tematike "Politika e Jashtme e Kosovës: Prioritetet dhe Sfidat". Në këtë tryezë morrën pjesë: Behgjet PACOLLI (Ministri i Jashtëm i Republikës së Kosovës), Vjosa OSMANI (Kryetare e Komisionit për Punë të Jashtme, Diasporë dhe Investime Strategjike), Ardian ARIFAJ (Presidenca e Kosovës), Lulzim PECI (Instituti KIPRED), Ruairi O’CONNELL (Ambasador i Mbretërisë së Bashkuar në Kosovë).

RSS
First2021222325272829Last
Aktivitetet më të shikuara
 
Shkolla Politike e Prishtinës në Forumin Botëror për Demokraci 2026 në Strasburg
Jon Krasniqi
/ Kategoria: Aktivitetet

Shkolla Politike e Prishtinës në Forumin Botëror për Demokraci 2026 në Strasburg

Pjesëmarrësit e Gjeneratës së 24-të të Shkollës Politike morën pjesë në Forumin Botëror për Demokraci të Këshillit të Evropës, duke u bërë pjesë e diskutimeve ndërkombëtare mbi të ardhmen e demokracisë, sigurinë demokratike dhe sfidat me të cilat përballen shoqëritë bashkëkohore.

Instituti i Prishtinës për Studime Politike (PIPS), së bashku me pjesëmarrësit e Gjeneratës së 24-të të Shkollës Politike, qëndroi në Strasburg të Francës nga 1 deri më 5 nëntor 2026, në kuadër të vizitës së organizuar për pjesëmarrje në Forumin Botëror për Demokraci dhe aktivitetet e Rrjetit të Shkollave Politike të Këshillit të Evropës.

Forumi Botëror për Demokraci, i cili u mbajt më 2 dhe 3 nëntor në ambientet e Këshillit të Evropës, këtë vit u organizua nën temën “Përçarje apo ripërtëritje? Siguria demokratike për të ardhmen” (Rupture or renewal? Democratic security for the future). Edicioni i 14-të i Forumit mblodhi përfaqësues të institucioneve politike, organizatave të shoqërisë civile, akademisë, mediave dhe të rinj nga vende të ndryshme, për të diskutuar mbi gjendjen e demokracisë dhe mundësitë për forcimin e saj përballë zhvillimeve dhe sfidave të reja.

Gjatë dy ditëve të Forumit, pjesëmarrësit e Shkollës Politike ndoqën diskutimet dhe sesionet që trajtuan transformimet politike, shoqërore dhe teknologjike që po ndikojnë në demokracitë bashkëkohore. Në veçanti, diskutimet u përqendruan te rëndësia e parashikimit të sfidave të ardhshme, forcimi i besimit të qytetarëve në institucione, mbrojtja e hapësirës qytetare, përfshirja demokratike dhe përballja me dezinformimin dhe ndërhyrjet e jashtme. Një pjesë e rëndësishme e programit përfshiu edhe prezantimin e nismave konkrete që synojnë ta bëjnë demokracinë më gjithëpërfshirëse, më të qëndrueshme dhe më të përgjegjshme ndaj qytetarëve.

Përtej programit kryesor të Forumit, më 4 nëntor, pjesëmarrësit e Shkollës Politike iu bashkuan aktiviteteve të veçanta të organizuara për rrjetin e Shkollave Politike të Këshillit të Evropës. Këto aktivitete krijuan mundësi për diskutim, shkëmbim të përvojave dhe ndërveprim me pjesëmarrës nga shkollat e tjera politike, duke ofruar një hapësirë për të reflektuar mbi sfidat e përbashkëta demokratike dhe qasjet e ndryshme në adresimin e tyre.

Gjatë vizitës në Strasburg, pjesëmarrësit e Shkollës Politike të Prishtinës patën mundësinë të vizitojnë Gjykatën Evropiane për të Drejtat e Njeriut, në kuadër të ditës së dytë të Forumit Botëror për Demokraci (WFD). 

Së bashku me pjesëmarrësit e Akademisë së Studimeve Politike nga Tirana, Shqipëri, ata u takuan me z. Darian Pavli, gjyqtarin shqiptar pranë kësaj Gjykate, me të cilin zhvilluan një diskutim interaktiv mbi të drejtat e njeriut dhe rolin e këtij institucioni në mbrojtjen e tyre.

Një moment i veçantë i kësaj vizite ishte edhe ceremonia e ndarjes së diplomave për pjesëmarrësit e Shkollës Politike, duke shënuar përmbylljen e një tjetër cikli të angazhimit të tyre në këtë program. Përtej njohjes së përkushtimit dhe pjesëmarrjes gjatë programit, kjo përvojë përfaqëson edhe një mundësi për të vazhduar angazhimin në rrjetin e profesionistëve dhe liderëve të rinj që ndajnë interesimin për zhvillimin demokratik dhe bashkëpunimin ndërmjet shoqërive.

Pjesëmarrja në Forumin Botëror për Demokraci është pjesë e vazhdimësisë së bashkëpunimit të Shkollës Politike të Prishtinës me Këshillin e Evropës dhe Rrjetin e Shkollave Politike. Përmes kësaj platforme, pjesëmarrësit kanë mundësi të përfitojnë nga përvojat ndërkombëtare, të krijojnë lidhje me bashkëmoshatarë dhe profesionistë nga vende të ndryshme dhe të sjellin perspektiva të reja në diskutimet mbi zhvillimet politike dhe demokratike në Kosovë.

Shkolla Politike e Prishtinës, e cila zbatohet nga PIPS që nga viti 2003, vazhdon të krijojë hapësira për edukim politik, dialog dhe shkëmbim ndërmjet profesionistëve të rinj dhe përfaqësuesve të sektorëve të ndryshëm të shoqërisë. Pjesëmarrja në aktivitete të tilla ndërkombëtare është një tjetër mundësi për ta lidhur këtë angazhim me përvojat dhe debatet më të gjera evropiane.

Programi i Shkollës Politike dhe vizita në Strasburg mbështeten nga Këshilli i Evropës.

Previous Article Takim ndërpartiak me të rinjtë e partive politike: Parandalimi i abuzimit me substancat narkotike te të rinjtë - 20 tetor
Next Article Takim ndërpartiak me asambleistë komunalë: Hapësirat publike në Prishtinë
Print
398 Rate this article:
No rating
Programet
  • Integrimi evropian
  • Shkolla Politike
Viti i publikimit
  • 2026