e hënë, 12 tetor 20260

Seminarin V i Shkollës Politike: Partitë Politike, Lidershipi i Përgjegjshëm dhe Pjesëmarrja Demokratike (9-11 tetor)

A mund të ketë demokraci të fortë pa parti politike që gëzojnë besimin e qytetarëve dhe pa liderë që mbajnë përgjegjësi ndaj tyre?

Kjo pyetje ishte në qendër të Seminarit V të Shkollës Politike, ku gjatë dy ditëve të diskutimeve trajtuam rolin e partive politike, rëndësinë e lidershipit të përgjegjshëm dhe sfidat e pjesëmarrjes demokratike në Kosovë. Një vëmendje të veçantë ia kushtuam edhe përfaqësimit dhe lidershipit të grave në politikë.

Në përmbyllje, iu kthyem historisë së Kosovës gjatë viteve '90, duke reflektuar mbi kulturën politike të rezistencës, ndërtimin e institucioneve të pavarura dhe rolin e solidaritetit qytetar në krijimin e besimit dhe organizimit politik.

Me këto diskutime, përmbyllëm Seminarin V me temën Partitë Politike, Lidershipi i Përgjegjshëm dhe Pjesëmarrja Demokratike, duke reflektuar mbi mënyrat se si partitë, liderët dhe qytetarët mund të kontribuojnë në një demokraci më përfaqësuese, gjithëpërfshirëse dhe llogaridhënëse.

Programi i Shkollës Politike mbështetet nga Këshilli i Evropës dhe Demo Finland.

--

Can democracy be strong without political parties that earn citizens' trust and leaders who are accountable to them?

This question was at the heart of Seminar V of the School of Politics, where two days of discussions focused on the role of political parties, the importance of responsible leadership, and the challenges of democratic participation in Kosovo. We also dedicated particular attention to women's representation and leadership in politics.

In our closing session, we reflected on Kosovo's history during the 1990s, exploring the political culture of resistance, the establishment of independent institutions, and the role of civic solidarity in building trust and political organization.

With these discussions, we concluded Seminar V on Political Parties, Responsible Leadership, and Democratic Participation, reflecting on how political parties, leaders, and citizens can contribute to a more representative, inclusive, and accountable democracy.

The School of Politics programme is supported by the Council of Europe and Demo Finland.

e premte, 2 tetor 20260

Dialog dhe shkëmbim përvojash ndërmjet Kosovës dhe Finlandës: Vizita e delegacionit finlandez në Prishtinë, 27–29 shtator

Instituti i Prishtinës për Studime Politike (PIPS), në bashkëpunim me Demo Finland, mirëpriti në Prishtinë një delegacion nga Finlanda gjatë vizitës së tij më 27–29 shtator 2026. Vizita krijoi hapësira për shkëmbim përvojash dhe diskutim mbi funksionimin parlamentar, dialogun ndërpartiak dhe forcimin e kulturës së bashkëpunimit politik.

Në kuadër të vizitës, PIPS organizoi një dialog ndërmjet deputeteve të Kuvendit të Kosovës dhe delegacionit parlamentar finlandez, me fokus në funksionimin e parlamenteve, bashkëpunimin pozitë–opozitë, dialogun ndërpartiak dhe shkëmbimin e përvojave mes dy vendeve.

e premte, 2 tetor 20260

Deklaratë e përbashkët e organizatave të shoqërisë civile

Partitë të arrijnë marrëveshje për Presidentin dhe të garantojnë funksionimin e institucioneve

Ne, organizatat e poshtëshënuara të shoqërisë civile, vlerësojmë që Kosova duhet të ketë institucione funksionale, me mandat të plotë dhe që përmbushin përgjegjësitë e tyre ndaj qytetarëve. Mandati i dhënë nga qytetarët është përgjegjësi për respektimin e rendit kushtetues dhe funksionimin demokratik të institucioneve. Prandaj, u bëjmë thirrje partive parlamentare që të angazhohen menjëherë për një marrëveshje që mundëson zgjedhjen e Presidentit/es deri më 6 tetor, brenda afatit të përcaktuar nga Gjykata Kushtetuese.

Dështimi i sërishëm për të zgjedhur Presidentin/en do të sillte shpërndarjen e Kuvendit dhe zgjedhje të reja. Pas krizave të përsëritura institucionale dhe cikleve të njëpasnjëshme zgjedhore, kjo do ta vendoste vendin përballë një tjetër ngërçi institucional, pa pasur garancë që zgjedhjet do të jenë zgjidhje e mosmarrëveshjeve që po e mbajnë të hapur këtë çështje.

e hënë, 14 shtator 20260

Seminari IV i Shkollës Politike: Komunikimi Politik, Media, Dezinformimi dhe Integriteti i Debatit Demokratik (Gjenerata 24)

Instituti i Prishtinës për Studime Politike (PIPS) përmbylli Seminarin IV të Shkollës Politike, kushtuar temës “Komunikimi Politik, Media, Dezinformimi dhe Integriteti i Debatit Demokratik”.

Gjatë tri ditëve, pjesëmarrësit diskutuan mbi rolin e medias në një demokraci, sfidat e komunikimit politik dhe ndikimin e dezinformimit në mënyrën se si qytetarët e kuptojnë realitetin politik.

e enjte, 10 shtator 20260

Takim ndërpartiak me të rinjtë e partive politike në Gjakovë

Instituti i Prishtinës për Studime Politike (PIPS) zhvilloi dje në Gjakovë një takim me të rinjtë e partive politike, me pjesëmarrje nga të gjitha partitë parlamentare (Lëvizja Vetëvendosje - LVV, Partia Demokratike e Kosovës - PDK, Lidhja Demokratike e Kosovës- LDK, dhe Aleanca e Ardhmërisë së Kosovës - AAK).

Takimi u fokusua në trajektoren e mendimit dhe organizimit politik shqiptar në Kosovë, nga viti 1918 deri në ditët e sotme, duke hapur diskutimin mbi traditat e ndryshme politike që kanë ndikuar në zhvillimin e shoqërisë dhe politikës kosovare. Pjesëmarrësit diskutuan gjithashtu për trashëgiminë politike dhe ideologjike, ndikimin e saj te votuesit, ndryshimet nga agjendat nacionaliste drejt atyre liberale e demokratike, si dhe për ndikimin e ndryshimit të rendit botëror në angazhimin politik në Kosovë.

RSS

1 2 3 4 5 6 7 8 9 10 Next Last

Aktivitetet më të shikuara

Seminari i Parë i Shkollës Politike (Gjenerata e 22të) - Përpjekjet e Kosovës për forcimin e Shtetit në Kohë Polikrize

Diona Kusari / e premte, 5 prill 2024

/ Kategoria: Aktivitetet

Seminari i Parë i Shkollës Politike (Gjenerata e 22të) - Përpjekjet e Kosovës për forcimin e Shtetit në Kohë Polikrize

Shkolla Politike (Gjenerata 22) zyrtarisht ka filluar me seminarin e parë këtë fundjavë!

Me datat 22-24 Mars, gjenerata e re e Shkollës Politike filloi udhëtimin e tyre 1 vjeçar. Seminari i parë ishte një fundjavë e mbushur me diskutime të thella, ligjërata të vlefshme dhe momente interesante që treguan rëndësinë dhe esencën e avancimit politik dhe rrjetëzimit të komunitetit.

Dita 1 – Prezantimi me programin:

Seminari filloi me një prezantim të programit të Shkollës Politike, ku kishim nderin të kishim prezent përfaqësuesen e Zyres së Këshillit të Europës në Kosovë znj. Maryann Hennesey dhe z. Granit J. Tërnava nga Konrad-Adenauer-Stiftung Kosovo (KAS) si partnerë dhe mbështetës të Shkollës Politike.

Nën moderimin e z. Ramadan Ilazit, grupi u angazhua në aktivitete të punës në ekipe dhe diskutime interesante rreth temës së Konceptit të Shtetit, Paqes, dhe Konfliktit. Gjatë pasdites, z. Ditmir Bushati bisedoi me grupin në lidhje me kuptimin e Polikrizës dhe Rreziqet Ndërkombëtare.

Dita 2 – Procesi i shtetndërtimit dhe e ardhmja e qëndrueshme për Kosovën:

Dita e shtunë solli një hyrje më të thellë të Procesit të Shtetndërtimit të Kosovës dhe navigimit të tij nëpër Polikrizë, me ligjërim dhe diskutim të z. Robert Muharremi. Sesioni i pasdites, i udhëhequr nga z. Mark Baskin, hodhi dritë mbi Ballkanin Perëndimor mes krizave komplekse, që ishte një sesion i mbushur me simulime dhe diskutime interesante mes grupit rreth sfidave dhe mundësive rajonale.

Dita 3 – Aleanca Strategjike të Kosovës dhe Izolimi kundër Bashkëpunimit:

Në ditën e fundit, kur seminari ynë afrohej drejt përmbylljes, kishim privilegjin të dëgjonim znj. Drita Perezic (Këshilltare e Sektorit të Jashtëm të Sigurisë për Presidenten e Republikës së Kosovës), e cila ndau përvojën e saj të vlefshme rreth Aleancave Strategjike të Kosovës. Gjatë pasdites, z. Blerim Shala ndau me grupin argumentet e tij mbi Izolimin dhe Bashkëpunimin, dhe se si Kosova po navigon në kontekstin e Polikrizës, duke lënë grupin me shumë për të menduar rreth rrugës të Kosovës.

Gjatë seminarit, energjia ishte e dukshme, e ushqyer nga diskutimet e gjalla, atmosfera pozitive dhe mundësitë e rëndësishme të rrjetëzimit. Jemi shumë mirënjohës ndaj të gjithë folësve, moderatorëve dhe pjesëmarrësve për kontributin në suksesin e këtij seminarit.

Mëposhtë, shih momente nga Seminari i parë i Shkollës Politike. Shihemi në aktivitetet e ardhshme të Shkollës Politike!

Programi i Shkollës Politike mbështetet nga Këshilli i Evropës. Ky seminar i Shkollës Politike është mbështetur nga Konrad-Adenauer-Stiftung Kosovo.

Print

28897 Rate this article:

No rating

Programet	Shkolla Politike
Viti i publikimit	2024

Aktivitetet tjera