Për shkollën politike

 
Per shp
SuperUser Account
/ Kategoria: Per SHP

Per shp

Shkolla Politike është një ndër programet e para të edukimit joformal politik në Kosovë dhe programi më i vjetër që është ende aktiv. Që nga viti 2003 Shkolla Politike implementohet nga Instituti i Prishtinës për Studime Politike me përkrahjen dhe nen ombrellen e Këshillit të Evropës. Qëllimi i programit është promovimi i një kulture të re politike për liderët e rinjë në përputhje me tre parimet kyçe të Këshillit të Evropës: demokracia, sundimi i ligjit dhe të drejtat e njeriut. Gjatë një viti kalendarik 30 pjesëmarrës nga partitë politike, media, shoqëria civile, administrata publike kanë mundësinë të ndjekin modulet me ligjërata, me folës eminentë vendorë dhe ndërkombëtarë. Programi aktualisht zbatohet në 22 vende të ndryshme të botës dhe të diplomuarit çertifikohen nga Këshilli i Evropës dhe Sekretari/ja e Përgjithshme e kësaj organizate.

Synimi edukativ i Shkollës mund të përshkruhet me idenë e fuqizimit të parimeve dhe praktikave demokratike. Kurrikula e moduleve të Shkollës Politike përfshin një llojllojshmëri temash sikundër teoritë politike, demokratizimi, qeverisja e mirë, procesi elektoral, partitë politike, politika e jashtme, politikat dhe zgjerimi i BE-së, dhe komunikimi publik. Për shkak të jetëgjatësisë dhe cilësisë Shkolla Politike e Prishtinës është kthyer në një nga podiumet qendrore të debatit publik ndërmjet aktorëve publikë në Kosovë. Shkolla Politike është dëshmuar si një përvojë e vyeshme për të gjithë individët e motivuar të përfshihen në ndryshimin pozitiv të shoqërisë kosovare përmes aktivizmit qytetar.

Pjesëmarrësit përzgjedhen në bazë të aftësive profesionale, duke marrur në konsideratë edhe faktorë të tjerë relevantë politikë, gjeografikë, socialë, etnikë dhe gjinorë. Një numër i lartë i Alumnistëve të Shkollës Politike kanë mbajtur dhe vazhdojnë të mbajnë pozicione kyçe në jetën politike në Kosovë. Në anën tjetër, ligjëruesit e Shkollës Politike janë ekspretë të fushave, të përfshirë në proceset politike dhe jetën publike nga sfera të ndryshme: politikanë, politikbërës, përfaqësuesh institucionesh dhe organizatash, akademikë, gazetarë, diplomatë dhe biznesmenë. Bazuar në këtë, Shkolla Politike gjithashtu iu ofron pjesëmarrësve një mundësi unike për zgjerim të rrjetit dhe kontakteve.

Next Article Hapet thirrja për aplikim në programin e Shkollës Politike (Gjenerata 21)
Print
32340 Rate this article:
No rating
Aktivitetet nga Shkolla Politike
 
Seminari i II-të i Shkollës Politike - Lidershipi dhe Komunikimi Politik

Seminari i II-të i Shkollës Politike - Lidershipi dhe Komunikimi Politik

29 maj 2025

Këtë fundjavë organizuam seminarin e dytë të Shkollës Politike (Gjenerata 23), me fokus në një nga shtyllat më të rëndësishme të jetës demokratike: lidershipin dhe komunikimin politik. Përgjatë tri ditëve intensive, pjesëmarrësit nga fusha të ndryshme (shoqëria civile, parti politike, institucioneve publike dhe media) morën pjesë në diskutime interaktive, analiza rastesh dhe punëtori praktike, ku u trajtuan temat si parimet bazë të lidershipit etik dhe me vlera, aftësitë kyçe të komunikimit: të folurit në publik, tregimi i rrëfimeve (storytelling) dhe inteligjenca emocionale, modelet dhe stilet e lidershipit në kontekste politike, si të njohim dhe kundërshtojmë gjuhën e urrejtjes, populizmin dhe dezinformimin si dhe mesazhet strategjike dhe ndërtimi i besimit publik nga liderët.

e enjte, 29 maj 2025/Author: Jon Krasniqi/Numri i shikimeve (32)/Comments (0)/ Article rating: No rating
Kategoria: Aktivitetet
Etiketimet:
Seminari i I-rë i Shkollës Politike (Gjenerata 23) - Përpjekjet e Kosovës për konsolidim drejt një shoqërie kohezive

Seminari i I-rë i Shkollës Politike (Gjenerata 23) - Përpjekjet e Kosovës për konsolidim drejt një shoqërie kohezive

19 maj 2025

Shkolla Politike (Gjenerata 23) ka nisur zyrtarisht programin me seminarin e parë këtë fundjavë!

Nga data 11 deri më 13 prill, Shkolla Politike hapi zyrtarisht edicionin e saj të radhës me një seminar tre-ditor, ku pjesëmarrësit e Gjeneratës 23 filluan rrugëtimin e tyre njëvjeçar me entuziazëm dhe përkushtim. Programi nisi me prezantimin e partnerëve dhe përmbajtjes, ndërsa gjatë ditëve në vijim u zhvilluan diskutime të thelluara mbi shtetin, paqen, konfliktin dhe kohezionin social, nën moderimin e z. Ramadan Ilazi dhe me ligjërues si znj. Marta Gazideda, z. Dukagjin Gorani, z. Robert Muharremi, z. Enver Hasani, z. Betim Zllanoga dhe z. Senad Sabovic. Seminarin e nderuan me pjesëmarrjen e tyre edhe përfaqësues nga Këshilli i Evropës dhe Konrad-Adenauer-Stiftung Kosovo, partnerët tanë strategjikë. Diskutimet dinamike, puna ekipore dhe reflektimet mbi sfidat e ndërtimit të një shoqërie gjithëpërfshirëse shënuan një fillim të fortë për këtë gjeneratë të re liderësh.

Falënderim i veçantë Këshillit të Evropës për mbështetjen e programit , si dhe Konrad Adenauer Stiftung Kosovo për mbështetjen e këtij seminari.

e hënë, 19 maj 2025/Author: Jon Krasniqi/Numri i shikimeve (204)/Comments (0)/ Article rating: No rating
Kategoria: Aktivitetet
Etiketimet:
SHKOLLA POLITIKE E PRISHTINËS KA HAPUR KONKURSIN PËR PRANIMIN E KANDIDATËVE PËR GJENERATËN E NJËZET E TRETË (23)

SHKOLLA POLITIKE E PRISHTINËS KA HAPUR KONKURSIN PËR PRANIMIN E KANDIDATËVE PËR GJENERATËN E NJËZET E TRETË (23)

14 janar 2025

Shkolla Politike, e themeluar për të fuqizuar liderët në sferat politike, ekonomike, sociale dhe kulturore, ka hapur thirrjen për aplikim në gjeneratën e saj të 23-të.

Kush mund të aplikojë?

Mirëpresim kandidatë nga partitë politike, institucionet publike, mediat, OJQ-të dhe bizneset. Kandidatët e interesuar duhet të kenë të përfunduar nivelin Bachelor dhe njohja e gjuhës angleze është e detyrueshme. Si profesionist aktiv në fushën tuaj, shfrytëzojeni këtë mundësi për të kontribuar në të ardhmen e juaj!

Përfitimet nga Programi i Shkollës Politike të Prishtinës:

· Ngritje e njohurive në nxitjen e demokracisë, respektimin e ligjit dhe mbrojtjen e të drejtave të njeriut.

· Njohuri të thelluara nga ligjëruesit më prominent vendas dhe ndërkombëtarë.

· Certifikim nga Këshilli i Evropës

· Pjesëmarrje ekskluzive në Forumin Botëror për Demokraci në Strasburg.

· Pjesë e rrjetit tonë prej mbi 700 alumni.

Afati i Aplikimit: 31 Janar 2025

e martë, 14 janar 2025/Author: Jon Krasniqi/Numri i shikimeve (4945)/Comments (0)/ Article rating: No rating
Kategoria: Aktivitetet
Etiketimet:
RSS
Aplikimi për Shkollën Politike është hapur.
18 Vite Shkolla Politike
Rreth 600 pjesëmarrës
Mbi 250 ligjërues
Mbi 60 seminare të organizuara
Mbi 500 ligjërata të mbajtura
Mbi 200 pjesëmarrës në Forumin Botëror për Demokraci
 

Rrjeti dhe asociacioni i shkollave politike

 
rrjeti dhe asociacioni
SuperUser Account

rrjeti dhe asociacioni

Shkolla Politike e Prishtinës është pjesë e forumeve shumëpalëshe Rrjeti i Shkollave Politike dhe Asociacioni i Shkollave Politike të Këshillit të Evropës.

Rrjeti i Shkollave Politike u krijua nga Këshilli i Evropës në 2005 për të siguruar një kornizë për shkëmbimin e informacionit, ekspertizës dhe praktikave mes Shkollave. Rrjeti gjithashtu ofron një mjedis në të cilin zhvillohen aktivitete rajonale dhe bilaterale mes Shkollave Politike. Sot Shkollat Politike funksionojnë në Evropën Qendrore, Lindore dhe Jug-Lindore, Kaukazin e Jugut. Një shtrirje kaq e gjerë domosdoshmërisht ka rritur nevojën për bashkëpunim, prandaj Rrjeti i Shkollave Politike ofron një mundësi të këtillë. Për të mësuar më shumë rreth Rrjetit të Shkollave shkarko dokumentin këtu.

Asociacioni i Shkollave Politike të Këshillit të Evropës u themelua në vitin 2008 nga Drejtorët e Shkollave Politike, me qëllim forcimin e lidhjeve, stimulimin e zhvillimit dhe mbështetjen e tyre. Të pajisur me një kornizë ligjore, Shkollat ​​tani kanë një mjet i cili lejon Rrjetin të komunikojë me një zë të vetin.

Asociacioni veçanërisht luan një rol të rëndësishëm në mbështetjen e Alumnistëve të shkollave. Uebfaqja e Shoqatës është bërë një qendër kryesore e komunikimit dhe informacionit për anëtarët e saj, si dhe siguron një platformë për dialog dhe shkëmbim midis të diplomuarve të shkollës dhe pjesëmarrësve aktualë. Më shumë informacione mund të gjenden tek: https://www.schoolsofpoliticalstudies.eu/index.php/en/.

Print
75831 Rate this article:
No rating

Forumi Botëror për Demokraci

 
Forumi boteror per demokraci
SuperUser Account

Forumi boteror per demokraci

Forumi Botëror për Demokraci (ish Universiteti Veror për Demokraci) është një prej aktiviteteve më të rëndësishme të Shkollave Politike. Ky aktivitet për çdo vit përbashkon në Strasburg Shkollat Politike të të gjitha shteteve, por jo vetëm, pasi programi është i hapur edhe për pjesëmarrës të tjerë.

Temat e Forumit Botëror për Demokraci ndryshojnë nga viti në vit. Deri tash pjesëmarrësit kanë pasur rastin të ndjekin edicione ku është diskutuar për demokracinë, pushtetin, kohezionin social, përfshirjen sociale, elitat politike, Evropën e re, pranverën arabe, përfaqësimin gjinor median dhe informacionin etj.

Shkolla Politike e Prishtinës ka qenë e përfaqësuar në këtë aktivitet me mbi 250 pjesëmarrës përgjatë viteve. Forumi Botëror për Demokraci gjithashtu shërben si një platofrmë për shkëmbimin e përvojave dhe nxjerrje të mësimeve më të mira, të aplikuara në kontekste të ndryshme. Më shumë informacion për këtë ngjarje mund të gjendet tek linku i mëposhtëm:https://www.coe.int/en/web/world-forum-democracy

Print
75888 Rate this article:
No rating

Alumni