e mërkurë, 8 dhjetor 20210

Çfarë janë duke bërë institucionet e Kosovës në raport me luftën kundër ekstremizit të dhunshëm?

PIPS ka mbajtur diskutimin e rradhës në kuadër të Resilient Community Program (konzorcium me Advocacy Training and Resource Center - ATRC, PEN - Peer Educators Network dhe BIRN) mbështetur nga Global Community Engagement and Resilience Fund dhe USAID.

Në panel morrën pjesë Znj. Ganimete Gërbovci nga Ministria e Punëve të Brendshme, Znj. Adelina Ahmeti nga BIRN Kosovo, dhe Z. Skënder Përteshi nga Kosovar Center for Security Studies - KCSS.

Ky diskutim adresoi në thelb kombinimin e masave të ndryshme të ndërmarra nga institucionet e Kosovës, duke mos lënë anash pikëpamjet nga ana e medieve dhe shoqërisë civile.

Diskutimi tregoi se adresimi i këtij fenomeni nga institucionet e Kosovës është duke rezultuar me sukses. Institucionet e Kosovës ofrojnë mbështetje sociale për këtë grup.

e martë, 7 dhjetor 20210

PIPS nënshkruan memorandum bashkëpunimi me Akademinë Diplomatike të Kosovës

Angazhimi ynë në analizën e politikës së jashtme dhe diplomaci është shënuar me arritjen e radhës.

Më 6 Dhjetor 2021 znj. Leonora Kryeziu, Drejtoreshë e PIPS dhe z. Sabri Kiçmari, Drejtor i Përgjithshëm i Akademisë Diplomatike kanë nënshkruar marrëveshjen e bashkëpunimit ndërmjet dy institucioneve.

e hënë, 6 dhjetor 20210

Seminari i katërt i Shkollës Politike 2021 dhe ceremonia e diplomimit për gjeneratën e nëntëmbëdhjetë

Gjatë datave 3-4 Dhjetor u mbajt seminari i katërt dhe i fundit i Shkollës Politike për vitin 2021. Seminari u fokusua në funksionimin e partive politike dhe komunikimin politik.

Në përfundim të seminarit, u mbajt ceremonia përmbyllëse dhe ndarja e certifikatave për gjeneratën e nëntëmbëdhjetë të Shkollës Politike.

e martë, 23 nëntor 20210

Seminari për Edukim Politik për të rinjtë rom, ashkali dhe egjiptian

Së bashku me 20 pjesëmarrës/e, të rinjë të komuniteteve rom, ashkali dhe egjiptian, 5 ligjërues/e të shkencave politike e juridike, kemi përmbyllur Seminarin për Edukim Politik tejet të suksesshëm.

Seminari u pilotua si një format i ri për të rinjtë e komuniteteve jo-shumicë inspiruar nga programi i Shkollës Politike, dhe patëm kënaqësinë të dëshmojmë energjinë e këtyre të rinjëve për të avokuar për avancimin e pozitës së komunitetit të tyre dhe kapacitetin e një formati të tillë të shërbejë si një hapësirë bashkëpunimi për definimin e ideve e kërkesave të përbashkëta.

e premte, 12 nëntor 20210

Shkolla Politike në Forumin Botëror për Demokraci 2021

Edhe këtë vit Shkolla Politike e Prishtinës ka kënaqësinë të jetë pjesë e World Forum for Democracy / Forum mondial de la Démocratie.

Nga Shkolla jonë po marrin pjesë Blin Berdoniqi, Shpetim Shujaku, Mrika Nikqi dhe Valmira Morina.

Forumi po organizohet të dhjetën herë me rradhë në premisat e Këshillit të Evropës në Strasburg gjatë 8 - 10 Nëntor 2021.

Me temën "A mundet demokracia ta shpëtojë mjedisin?" forumi përmban seanca plenare dhe diskutime që trajtonë tema si: ndërmarrësinë e gjelbër, kuvendet e qytetarëve për klimën, drejtësinë mjedisore, qytetet e qëndrueshme, të drejtat e njeriut për mjedisin, komunitetet në ruajtjen e mjedisit, partneritetet publike-private për mjedisin dhe edukimin mjedisor.

Shkolla Politike e Prishtinës poashtu pati mundësinë të vizitojë Gjykatën Evropiane për të Drejtat e Njeriut.

Shkolla Politike vizituan edhe Konsulatën e Kosovës në Strasburg dhe u pritën nga ambasadorja, znj. Mimoza Ahmetaj.

RSS

First Previous 3 4 5 6 7 8 9 10 11 12 Next Last

Aktivitetet më të shikuara

Anëtarësimi i Kosovës në Organizatën Botërore të Shëndetësisë (OBSH)

Butrint Berisha / e mërkurë, 23 shtator 2020

/ Kategoria: Publikimet

Anëtarësimi i Kosovës në Organizatën Botërore të Shëndetësisë (OBSH)

Shtator 2020

Anëtarësimi në OBSH është në Programin e Qeverisë 2020-2023 dhe është përmendur në mënyrë sporadike që nga shpallja e pavarësisë në vitin 2008, megjithatë Kosova nuk ka aplikuar asnjëherë. Duke u bazuar në këtë, ky punim do të diskutojë mundësitë e anëtarësimit së Kosovës në OBSH. Punimi vijon me një diskutim të shkurtër për përpjeket shumëpalëshe të Kosovës deri tani, si një nga shtyllat kryesore të politikës së saj të jashtme. Më tutje, punimi do të përqëndrohet në përfitimet, procedurat, dhe mundësitë që do vinin me anëtarësimin e Kosovës në OBSH. Punimi argumenton se situata aktuale ndërkombëtare e krijuar pas përhapjes së pandemisë Covid-19, prezanton një mundësi të re për konsiderimin e aplikimit të Kosovës në OBSH, gjë e cila do të ndihmonte qytetarët kosovarë dhe institucionet përkatëse në luftën kundër Covid-19.

Print

12068 Rate this article:

No rating

Programet	Politika e jashtme
Viti i publikimit	2020

Dokumente(t)

Anetaresimi i Kosoves ne Organizaten Boterore te Shendetesise OBSH(.pdf, 2,83 MB) - 815 shkarkim(e)
Kosovos membership in the World Health Organization WHO(.pdf, 2,84 MB) - 769 shkarkim(e)

Aktivitetet tjera