e martë, 29 korrik 20250

Takimi i tretë i Platformës për Dialogun Ndërpartiak në Kosovë

Instituti i Prishtinës për Studime Politike – PIPS, me mbështetjen e Demo Finland, më 29 korrik organizoi takimin e tretë të Forumit për Dialog Ndërpartiak.

Në këtë takim morën pjesë përfaqësues të forumeve rinore të partive politike, të cilët patën mundësinë të diskutojnë për temën "Pse dhe si ka rëndësi kultura politike?" me z. Butrint Berisha.

e enjte, 10 korrik 20250

Takimi i dytë i Platformës për Dialogun Ndërpartiak në Kosovë

Instituti i Prishtinës për Studime Politike – PIPS, me mbështetjen e Demo Finland, organizoi dje takimin e dytë të Forumit për Dialog Ndërpartiak. Në këtë takim morën pjesë përfaqësues të partive politike (të forumeve rinore, asambleistë të kuvendeve komunale) të cilët patën rastin të diskutojnë me ekspertin z. Kreshnik Gashi (Kryeredaktor dhe Redaktor Menaxhues i KALLXO.com).

Tema kryesore e diskutimit ishte “Dezinformimi dhe gjuha e urrejtjes”, faktorë që paraqesin sfida serioze për dialogun politik dhe stabilitetin shoqëror në Kosovë. Z. Gashi ndau me pjesëmarrësit mekanizmat e luftimit të dezinformimit, ndërsa pjesëmarrësit ndanë përvoja konkrete dhe shembuj të realitetit aktual, duke theksuar rëndësinë e luftimit të dezinformimit dhe promovimit të një komunikimi të përgjegjshëm dhe pa gjuhë nxitëse.

e mërkurë, 25 qershor 20250

Iniciimi i Platformës për Dialogun Ndërpartiak në Kosovë

Instituti i Prishtinës për Studime Politike – PIPS, me përkrahjen e Demo Finland, të mërkurën organizoi takimin e parë të Forumit për Dialog Ndërpartiak, një hap të rëndësishëm drejt krijimit të një platforme të re të dedikuar dialogut dhe bashkëpunimit ndërmjet të rinjve nga partitë politike në Kosovë.

Kjo inciativë synon të krijojë një hapësirë ku të rinjtë nga të gjitha partitë politike të ndajnë përvojat, sfidat dhe të punojnë së bashku për gjetjen e zgjidhjeve të përbashkëta.

e diel, 22 qershor 20250

Seminari i III-të i Gjeneratës së 23-të së Shkollës Politike - Paqja, Diplomacia dhe Siguria

Gjatë këtij vikendi, përfunduam me sukses seminarin e tretë të Shkollës së Studimeve Politike me Gjeneratën e 23-të, të fokusuar në Paqe, Diplomaci dhe Siguri. Gjatë tre ditëve intensive, pjesëmarrësit u angazhuan në diskutime nxitëse të mendimit me ekspertë të shquar mbi politikën e jashtme, diplomacinë, pozicionimin ndërkombëtar dhe sigurinë e Kosovës.

e enjte, 29 maj 20250

Seminari i II-të i Shkollës Politike - Lidershipi dhe Komunikimi Politik

Këtë fundjavë organizuam seminarin e dytë të Shkollës Politike (Gjenerata 23), me fokus në një nga shtyllat më të rëndësishme të jetës demokratike: lidershipin dhe komunikimin politik. Përgjatë tri ditëve intensive, pjesëmarrësit nga fusha të ndryshme (shoqëria civile, parti politike, institucioneve publike dhe media) morën pjesë në diskutime interaktive, analiza rastesh dhe punëtori praktike, ku u trajtuan temat si parimet bazë të lidershipit etik dhe me vlera, aftësitë kyçe të komunikimit: të folurit në publik, tregimi i rrëfimeve (storytelling) dhe inteligjenca emocionale, modelet dhe stilet e lidershipit në kontekste politike, si të njohim dhe kundërshtojmë gjuhën e urrejtjes, populizmin dhe dezinformimin si dhe mesazhet strategjike dhe ndërtimi i besimit publik nga liderët.

RSS

Previous 1 2 3 4 5 6 7 8 9 10 Next Last

Aktivitetet më të shikuara

Diona Kusari / e enjte, 11 shkurt 2016

/ Kategoria: Aktivitetet

U mbajt punëtoria me OJQ-të për rritjen e dialogut publik rreth Efiçencës së Energjisë

Aktiviteti është përkrahur nga Fondi Regjional i hapur i GIZ-it për Evropen Jug-lindore- Projekti EE në kuadër te dialogut publik për përdorim të qëndrueshëm të energjisë. Në kuadër të projektit Fuqizimi i rolit të OJQ-ve në çështjet e Efiçencës së Energjisë dhe Mbrojtjes Klimatike, që tash hyn në fazën e tretë brenda po aq viteve, PIPS organizoi punëtorinë e rradhës. Punëtoria kishte për qëllim diskutimin mbi situatën së Kosovës sa i përket çështjeve të Efiçencës së Energjisë dhe diskutimi i hapave të mëtejmë të Shoqërisë Civile në këtë fushë. Në punëtori ishin prezentë përfaqësues të OJQ-ve të cilët punojnë ose kanë punuar më parë me problematikën e Efiçencës së Energjisë në Kosovë. Kjo punëtori u hap nga Drejtoresha Ekzekutive e PIPS Leonora Kryeziu e cila shpjegoi rolin e PIPS në projekt dhe qëllimin e projektit fazat e mëtejme, që është ndikimi në bërje të politikave duke respektuar standardet e Efiçencës së Energjisë. Koordinatori i GIZ për Kosovë, organizatë kjo e cila është njëra ndër financueset e projektit, Avni Sfishta mbajti prezantimin e parë. Sfishta foli për potencialin e zhvillimit ekonomik që buron nga ndërtimi i objekteve me standarde të efiçencës së energjisë. Prezantimi i dytë u mbajt nga Naser Sahiti i cili foli për nevojën e plotësimit të kuadrit ligjor që do të bënte të mundur jetësimin e politikave me respekt për Efiçencë e Energjisë. Sahiti gjithashtu vuri theksin në një bashkëpunim më të mirë mes shoqërisë civile me akterët politikë sidomos me ata lokal. Sipas Sahitit komunat duhet të kenë një zyrë për çështje të energjisë me njerëz kompetentë që do të bënin organizimin brenda komunës së tyre. Kjo për fillim do të vlente të paktën ato më të mëdha dhe zhvilluara ku do të operonin pastaj edhe komunat më të vogla. Sidoqoftë, shtoi Sahiti, duhet një bashkëpunim edhe me nivelin qendror pasi Ligji për Vetëqeverisje Lokale nuk i lejon Komunat të shtojnë vende pune në mënyrë të njëanëshme. Sahiti gjithashtu ka një studim me titull Reflektimi i Politikave Nacionale të Efiçencës së Energjisë, i bërë për PIPS i cili mund të shkarkohet online në ballinën e faqes, në gjuhën shqipe dhe angleze. Prezantimi i tretë dhe i fundit u mbajt nga përfaqësuesi i Organizatës Konsumatori Selatin Kaçaniku i cili foli për rëndësinë e rishikimit të produkteve duke vënë në qendër konsumatorin i cili shpesh blen gjëra pa e ditur saktë përbërjen e tyre. Sipas Kaçanikut tregu i Kosovës është i mbushur me produkte të cilat duhet rishikuar nga një autoritet i përgjithshëm.

Print

32104 Rate this article:

No rating

Programet	Energjia dhe ambienti
Viti i publikimit	2016

Aktivitetet tjera