e mërkurë, 15 maj 20240

Seminari i II-të i Shkollës Politike rreth Drejtësisë Tranzicionale dhe Mekanizmave të saj

Në edicionin e 2024 të Shkollës Politike, PIPS-i ka prezantuar një seminar që ka për fokus trajtimin e të kaluarës dhe drejtësisë tranzicionale.

Këtë vikend (10-12 Maj), PIPS zhvilloi këtë seminar, i dyti me radhë i Shkollës Politike, i cili ishte gjithashtu seminari i parë i programit për Drejtësinë Tranzicionale.

Seminari pati për fokus të veçantë që udhëheqësit e ardhshëm të jenë më mendjehapur dhe përfshirës, për të u angazhuar në çështje politike, dhe për të kuptuar rëndësinë e adresimit dhe ballafaqimit me të kaluarën. Pjesëmarrësit mësuan për komisionet e së vërtetës, ndjekjet penale, reparacionet, dhe reformat institucionale si mjete për të parandaluar përsëritjen e padrejtësive të kaluara. Seminari eksploroi temat e trajtimit të padrejtësive historike dhe balancimit të përgjegjësisë rreth pajtimit.

Gjatë fundjavës, pjesëmarrësit dëgjuan njëri-tjetrin, dhe u angazhuan në diskutime të ndjeshme, energjia ishte e madhe me ide dhe shpirt bashkëpunues.

e premte, 5 prill 20240

Seminari i Parë i Shkollës Politike (Gjenerata e 22të) - Përpjekjet e Kosovës për forcimin e Shtetit në Kohë Polikrize

Shkolla Politike (Gjenerata 22) zyrtarisht ka filluar me seminarin e parë këtë fundjavë!

Me datat 22-24 Mars, gjenerata e re e Shkollës Politike filloi udhëtimin e tyre 1 vjeçar. Seminari i parë ishte një fundjavë e mbushur me diskutime të thella, ligjërata të vlefshme dhe momente interesante që treguan rëndësinë dhe esencën e avancimit politik dhe rrjetëzimit të komunitetit.

Gjatë seminarit, energjia ishte e dukshme, e ushqyer nga diskutimet e gjalla, atmosfera pozitive dhe mundësitë e rëndësishme të rrjetëzimit. Jemi shumë mirënjohës ndaj të gjithë folësve, moderatorëve dhe pjesëmarrësve për kontributin në suksesin e këtij seminarit.

Mëposhtë, shih momente nga Seminari i parë i Shkollës Politike. Shihemi në aktivitetet e ardhshme të Shkollës Politike!

Programi i Shkollës Politike mbështetet nga Këshilli i Evropës. Ky seminar i Shkollës Politike është mbështetur nga Konrad-Adenauer-Stiftung Kosovo.

e enjte, 4 prill 20240

Konkurs pune për pozitën koordinator/e i/e projekteve

Instituti i Prishtinës për Studime Politike (PIPS) hap konkursin për pozitë pune. Ftojmë të interesuarit nga fushat e shkencave sociale, juridike dhe menaxhmentit të aplikojnë. Thirrje e hapur për pozitën (koordinator/e i/e projekteve).

Kualifikimet:

Të jetë i/e diplomuar në nivelin bachelor (në fushat e shkencave sociale, juridike dhe menaxhmentit);
Aftësi organizative, komunikimi dhe udhëheqjeje;
Aftësi të menaxhimit të kohës;
Përvojë paraprake në koordinim/menaxhim të projekteve;
Njohuri të nivelit të avancuar të gjuhës angleze (C1-C2).

Dërgoni një CV dhe një letër motivuese në emailin: shkolla.politike@gmail.com ose info@pips-ks.org.

e diel, 7 janar 20240

SHKOLLA POLITIKE E PRISHTINËS KA HAPUR KONKURSIN PËR PRANIMIN E KANDIDATËVE PËR GJENERATËN E NJËZET E DYTË (22).

Bëhuni pjesë e një udhëtim transformues me një nga programet e para të edukimit politik joformal në Kosovë! Shkolla Politike, e themeluar për të fuqizuar liderët në sferat politike, ekonomike, sociale dhe kulturore, ka hapur thirrjen për aplikim në gjeneratën e saj të 22-të. E ndërtuar mbi shtyllat e demokracisë, programi ynë shtrihet nga marsi deri në nëntor, duke përfshirë seminare, diskutime dhe ligjerata që kultivojnë të menduarit kritik dhe vlerat demokratike. Thellohuni në tema si Shteti dhe Shoqëria, Politika Publike, Ekonomia dhe Politika, Politika e Jashtme, Siguria Kombëtare, Partitë Politike dhe më shumë, duke u avancuar si liderët e ardhshëm të Kosovës.

e mërkurë, 6 dhjetor 20230

Ceremonia e diplomimit të Gjeneratës së 21-të të Shkollës Politike

21 VJET ME SHKOLLËN POLITIKE!

Teksa presim një vit premtues përpara, Shkolla Politike shënon konkludimin e programit të sivjetshëm dhe diplomimin e gjeneratës së 21-të të Shkollës Politike, duke e përmbyllur këtë rrugëtim me sukses.

Ceremonia e graduimit për gjeneratën e 21-të simbolizon fundin e një viti tjetër akademik i cili shërbeu edhe si një moment ritakimi me grupin tonë të alumnive.

Gjeneratës së fundit i urojmë sukses dhe shpresojmë që ky të jetë fillimi i bashkëpunimit tonë me një rrjet alumni që sa shkon e zgjerohet.

Falenderim i veçantë për Këshillin e Evropës, që për më shumë se dy dekada mundëson organizimin e Shkollës Politike, si dhe Konrad-Adenauer-Stiftung Kosovo për mbështetjen e tyre gjatë viteve.

RSS

Previous 1 2 3 4 5 6 7 8 9 10 Next Last

Aktivitetet më të shikuara

Seminari i dytë nacional me Shkollën Politike 2017

Diona Kusari / e hënë, 24 prill 2017

/ Kategoria: Aktivitetet

Seminari i dytë nacional me Shkollën Politike 2017

Më 21-23 Prill 2017 u mbajt seminari i dytë i Shkollës Politike me temën "Shteti si kuadër fundamental për të vetë-qeverisur: Politika e Politikave Publike. Dita e parë u mbulua nga Dastid Pallaska. Z. Pallaska mbuloi rolin e sundimit të ligjit në shtet-ndërtim. Dita e dytë e seminarit vazhdoi me temën "Gjetja e rrugës së duhur: Modeli Zhvillimor i mirëqenies nga konteksti i Kosovës", temë kjo e mbuluar nga Visar Ymeri. Më tej Agon Maliqi, ekspert i politikave zhvillimore, trajtoi me grupin "Ekonominë e tregut të bazuar në dije: Edukimin e orientuar nga tregu dhe mobilitetin për zhvillim në Kosovë". Dita e dytë u përmbyll me ligjeratën e Alban Zogaj, ligjërues në Riinvest, mbi modelin zhvillimor të tregut në kontekstin e Kosoves. Dita e tretë u mbulua nga Neritan Sejamini, ligjërues në Universitetin e Tiranës dhe ekspert i politikave publike. Profesor Sejamini me grupin trajtoi politikat publike tek një qeverisje nxitëse e zhvillimit.

Print

23048 Rate this article:

No rating

Programet	Shkolla Politike
Viti i publikimit	2017

Aktivitetet tjera