e martë, 9 shkurt 20210

THIRRJE PËR APLIKIME PËR PUNË PRAKTIKE NË PIPS

PIPS ka hapur thirrjen për aplikime për praktikantë/e me pagesë. Puna praktike është part-time (20 orë në javë) për 2 muaj (me pajtimin e dy palëve mund të zgjatet).

Praktikantët do të angazhohen në:
- Organizimin dhe pjesëmarrjen në aktivitete që zhvillohen në kuadër të programeve të PIPS
- Asistencë në hulumtim dhe shpërndarjen e informacionit dhe publikimeve të prodhuara nga organizata
- Mbarëvajtjen e punëve administrative të zyrës

Afati i fundit për aplikim është 21 Shkurt 2021.
Kandidatët e interesuar duhet të dërgojnë një CV-në dhe një letër motivimi në e-mailin: shkolla.politike@gmail.com

e premte, 18 dhjetor 20200

Seria e diskutimeve me ekspertë dhe akademike për Dialogun Kosovë-Serbi

PIPS ka lansuar serinë e diskutimeve me ekspertë dhe akademikë për dialogun Kosovë-Serbi.

Me datat 15,16 dhe 17 Dhjetor PIPS ka organizuar tre diskutime me ekspertë dhe akademikë për të diskutuar për Asosacionin e Komunave me shumicë serbe, Drejtësinë tranzicionale dhe Politikën e Jashtme si pjesë e serisë së diskutimeve për dialogun Kosovë-Serbi.

e martë, 1 dhjetor 20200

Ngjarja përmbyllëse e Programit për gazetarët në fushën e energjisë dhe mjedisit dhe ndarja e cmimeve për shkrimet më të mira

Më 1 Dhjetor PIPS ka përmbyllur angazhimin një-vjecar në kuadër të Programit për gazetarë që raportojnë në fushën e energjisë dhe mjedisit.

Si pjesë e këtij programi PIPS me mbështetjen e GIZ, gjatë këtij viti ka mbajtur seminarin për energjinë dhe planifikimin e qëndrueshëm mjedisor, punëtorinë për raportimin mjedisor si dhe ka organizuar konkursin për shkrimet më të mira për cështje të energjisë dhe mjedisit.
Në ngjarjen e fundit PIPS ka ndarë certifikatat për pjesëmarrësit e Programit, si dhe ka ndarë cmimet për tre shkrimet më të mira.

e martë, 1 dhjetor 20200

THIRRJE PËR APLIKIM NË SHKOLLËN POLITIKE⁣⁣ 2021

Shkolla Politike e Prishtinës ka hapur konkursin për pranimin e kandidatëve për gjeneratën e nëntëmbëdhjetë (19).
Shkolla Politike është një ndër programet e para të edukimit joformal politik në Kosovë dhe programi më i vjetër që është ende aktiv. Që nga viti 2003 Shkolla Politike implementohet nga Instituti i Prishtinës për Studime Politike me përkrahjen dhe nën ombrellën e Këshillit të Evropës. Qëllimi i programit është promovimi i një kulture të re politike për liderët e rinjë në përputhje me tre parimet kyçe të Këshillit të Evropës: demokracia, sundimi i ligjit dhe të drejtat e njeriut.

Gjatë një viti kalendarik 30 pjesëmarrës nga partitë politike, media, shoqëria civile, administrata publike kanë mundësinë të ndjekin modulet me ligjërata, me folës eminentë vendorë dhe ndërkombëtarë. Programi aktualisht zbatohet në 22 vende të ndryshme të botës dhe të diplomuarit çertifikohen nga Këshilli i Evropës dhe Sekretari/ja e Përgjithshme e kësaj organizate.

e premte, 27 nëntor 20200

Gazetarët e Programit për Energji dhe Ambient takohen me Grupin e Deputetëve të Gjelbër

Me 27 Nëntor grupi i gazetarëve të Programit të PIPS për gazetarët në energji dhe ambient u takuan me Grupin e Deputetëve të Gjelbër (GDGJ).

Gazetarët patën mundësinë të njoftohen me objektivat afatshkurte dhe afatgjata të GDGJ dhe angazhimin e tyre në çështjet e mbrojtjes së mjedisit, dhe prioritizimin e tyre në agjendën nacionale.

Më tutje, diskutimi mbuloi cështjen e hidrocentraleve dhe situatës energjetike, orientimin e politikave zhvillimore kah qëndrueshmëria si dhe ngritjen e vetëdijes për mbulimin e temave mjedisore edhe nga mediat kosovare.

RSS

First Previous 5 6 7 8 9 10 11 12 13 14 Next Last

Aktivitetet më të shikuara

Vizitë studimore me deputetë në Berlin rreth praktikave më të mira për efiçiencën e energjisë

Diona Kusari / e shtunë, 9 qershor 2018

/ Kategoria: Aktivitetet

Vizitë studimore me deputetë në Berlin rreth praktikave më të mira për efiçiencën e energjisë

Instituti i Prishtinës për Studime Politike, si partner implementues me Deutsche Gesellschaft fur Internationale Zusammenarbeit (GIZ) GmbH; në kuadër të projektit "Bashkëpunimi rajonal dhe ngritja e kapaciteteve të parlamentarëve në Evropën Juglindore mbi temën e eficiencës së energjisë dhe mbrojtjes klimatike" kanë mbajtur vizitën studimore në Berlin të Gjermanisë (6-9 Qershor) me qëllim të njoftimit të deputetëve prej gjashtë vendeve të Ballkanit Perëndimor me praktikat më të mira të Parlamentit Gjerman për avokimin rreth implementimit dhe përmirësimit të eficiencës së energjisë, mborjtjes klimatike dhe politikave të mobilitetit urban.

Në këtë aktivitet morrën pjesë deputetet e Kuvendit të Kosovës, znj. Sala Berisha Shala dhe znj. Mimoza Kusari Lila, si pjesë e delegacionit nga Komiteti për Zhvillim Ekononik, Infrastrukturë, Treg dhe Industri; dhe znj. Leonora Kryeziu, drejtoreshë ekzekutive e Institutit të Prishtinës për Studime Politike. Kjo vizitë studimore përfshiu vizita në Bundestag dhe Bundesrat dhe takime me deputetë gjerman.

Qëllimi i këtij projekti është ngritja e kapaciteteve të deputetëve/eve për përpjekje për mbështetjen dhe rritjen e pjesëmarrjes në procese të vendimmarrjes mbi eficiencën e energjisë dhe mbojtjen klimatike, dhe krijimi i vullnetit politik për reforma në sektorin në fjalë, duke iu përmbajtur objektivave të përbashkëta të vendeve të Evropës Juglindore për t'iu bashkuar Bashkimit Evropian.

Print

23555 Rate this article:

No rating

Programet	Energjia dhe ambienti
Viti i publikimit	2018

Aktivitetet tjera