Diona Kusari / e hënë, 15 maj 2023

LETËR DREJTUAR LIDERËVE EVROPIAN TË MBLEDHUR NË REYKJAVIK MË 16 DHE 17 MAJ PËR SAMITIN E 4-të të KËSHILLIT TË EVROPËS

Maj 2023

Në prag të Samitit të 4-të të Këshillit të Evropës që do të zhvillohet në Reykjavik më datat 16 dhe 17 maj, PIPS, si pjesë e Asociacionit të Shkollave të Studimeve Politike të Këshillit të Evropës kanë shprehur shqetësimin për rritjen e ngacmimeve të OJQ-ve, gazetarëve, avokatëve, akademikëve, avokues të të drejtave të njeriut, sinjalizuesit dhe zërat të tjerë kundërshtues, që synojnë frenimin e pluralizmit politik dhe shuarjen e zërave kundërshtues.

Asociacioni u rikujton liderëve evropianë detyrimin e tyre për të pranuar parimet e sundimit të ligjit dhe gëzimin e të drejtave dhe lirive themelore të njeriut brenda juridiksionit të tyre. Letra gjithashtu kërkon që të ndërmerren veprime për t'u bërë presion qeverive për të ratifikuar dhe zbatuar Konventën e Stambollit për dhunën ndaj grave, për të zbatuar vendimet e Gjykatës Evropiane të të Drejtave të Njeriut dhe për të mbështetur parimet e parashikuara në Konventë. Asociacioni thekson të drejtën për të pasur të drejta, e cila përfshin të varfërit, të pambrojturit, migrantët, refugjatët dhe personat pa shtetësi. Në permbyllje, letra u bënë thirrje liderëve evropianë që të jenë të palëkundur në zbatimin e parimeve dhe vlerave për të cilat qëndron Këshilli i Evropës.

-Asociacioni i Shkollave të Studimeve Politike u krijua në 2008 për të luajtur një rol të shtuar në menaxhimin e programit të Shkollave Politike të Këshillit të Evropës dhe për të forcuar lidhjet midis tyre.

9713 Rate this article:

No rating

Programet	Politika e jashtme Integrimi evropian Shkolla Politike
Viti i publikimit	2023

Dokumente(t)

PDF FINAL ECOLES 2023 ASPS HEADED PAPER REYKJAVIK MESSAGE(.pdf, 170,74 KB) - 225 shkarkim(e)

Policy Briefs - Shkolla Politike 2025 (Gjenerata 23-të)

Këto tre policy briefs, të punuar nga grupi i Shkollës Politike – Gjenerata 23, adresojnë disa nga sfidat më kritike të Kosovës sot: shfrytëzimin e EU Growth Plan si katalizator për reforma dhe integrim evropian, rënien e angazhimit politik të të rinjve përtej zgjedhjeve, si dhe përhapjen e gjuhës së urrejtjes dhe dezinformimit ndaj grave në hapësirën digjitale dhe publike. Së bashku, ato ofrojnë analiza të bazuara në evidencë dhe rekomandime konkrete për forcimin e qeverisjes, pjesëmarrjes qytetare dhe barazisë gjinore.

Vjetari i Politikës së Jashtme (2024-25)

Vjetari i Politikës së Jashtme të Kosovës 2024–2025 pasqyron zhvillimet kryesore në marrëdhëniet bilaterale, përpjekjet për njohje të reja diplomatike, avancimin në proceset e integrimit euroatlantik dhe sfidat e vazhdueshme në dialogun me Serbinë, gjatë periudhës së raportimit 1 Janar 2024, deri më 15 mars 2025.

Dokumenti sjell një panoramë të plotë të veprimeve të Ministrisë së Punëve të Jashtme dhe Diasporës, duke përfshirë reformat e brendshme, angazhimin me diasporën dhe nismat për diplomaci ekonomike e kulturore. Përmes analizës së partneriteteve me vende të rajonit, Evropës, SHBA-së dhe më gjerë, raporti synon të ofrojë një pasqyrë të qartë mbi arritjet dhe pengesat e Kosovës në skenën ndërkombëtare gjatë kësaj periudhe.

RAPORTI I KATËRT MONITORUES: STRATEGJIA E ENERGJISË E REPUBLIKËS SË KOSOVËS 2022-2031 (PERIUDHA 2024)

Instituti i Prishtinës për Studime Politike ka publikuar Raportin e Katërt Monitorues: Strategjia e Energjisë e Republikës së Kosovës 2022-2031, për periudhën 2025 (duke përfshirë edhe masat e paplotësuara të viteve paraprake). Raporti është bërë në kuadër të projektit ‘Rritja e llogaridhënies publike në procesin e integrimit evropian’, në bashkëpunim me Lëvizja FOL, i mbështëtur nga programi MATRA, i cili financohet nga Ambasada e Mbretërisë së Holandës në Kosovë.