Diona Kusari / e premte, 7 gusht 2020

Reforma e racionalizimit të agjencive ekzekutive dhe rregullatorëve në Kosovë - Faza e dytë

Qershor 2020

Faza e dytë e reformës së racionalizimit të agjencive ekzekutive dhe rregullatorëve është vazhdimësi e fazës së parë, e cila ka filluar së zbatuari në vitin 2018. Reforma në tërësi, si pjesë e dialogut të reformave ndërmjet Kosovës dhe Bashkimit Evropian në fushën e administratës publike, është iniciuar në vitin 2015,. Kjo reformë është gjithashtu pjesë e prioriteteve politike, të dakorduara ndërmjet Kosovës dhe BE-së në vitin 2016, për zbatimin e Marrëveshjes së Stabilizim-Asociimit. Pas fazës së parë, zbatimi i së cilës akoma nuk është përmbyllur, e rrjedhimisht ka vonesa në zbatimin e fazës së dytë, e cila, sipas planit të veprimit për zbatimin e tërë reformës, synohej të përmbyllej deri në fund të këtij viti. Sikur për këtë reformë në tërësi, edhe për këtë fazë është me rëndësi hyrja në fuqi e tri ligjeve kornizë për reformën e administratës publike, ndonëse dy prej tyre janë pezulluar nga Gjykata Kushtetuese deri në fund të qershorit të këtij viti, gjë që pritet të ndikojë në zbatimin efektiv e kësaj reforme. Sidoqoftë, këto ligje vendosin një kornizë rregullative të standardizuar dhe uniforme mbi organizimin e institucioneve publike, zyrtarët publikë dhe pagat e sektorit publik. Më tej, bazuar në kornizën e politikave për këtë reformë, në fazën e dytë janë përzgjedhur njëzet agjenci ekzekutive të Qeverisë, gjysma prej të cilave duhet të racionalizohen duke u shkrirë në ministritë përkatëse ose duke u bashkuar me agjenci të tjera ose mes vete. Racionalizimi i tyre ka për synim përmirësimin e llogaridhënies dhe korrigjimin e duplifikimit të kompetencave ndërmjet tyre ose me institucione të tjera. Me qëllimin për të kontribuuar në zbatimin e fazës së dytë të kësaj reforme, kjo analizë politikash e trajton atë reformë në dy aspekte. Nga njëra anë, këtu vlerësohet gjendja aktuale lidhur me agjencitë e kësaj faze. Nga ana tjetër, analiza diskuton opsionet e mundshme për racionalizimin e tyre.

8091 Rate this article:

No rating

Programet	Integrimi evropian
Viti i publikimit	2020

Dokumente(t)

Racionalizimi i agjencive dhe rregullatoreve - Faza e dyte(.pdf, 24 MB) - 343 shkarkim(e)
Rationalization of executive agencies and regulators - Second phase(.pdf, 24 MB) - 140 shkarkim(e)

Dixhitalizimi në Suharekë - Gjetjet nga anketa

Me qëllim rritjen e transparencës dhe fuqizimin e zyrtarëve lokalë në përputhje me Reformën e Administratës Publike, përmes anketës së fundit kemi identifikuar sfidat që qytetarët hasin në përdorimin e uebsajtit të komunës. Anketa gjithashtu reflekton nivelin e kënaqësisë së qytetarëve me shërbimet online dhe mënyrat se si do të preferonin të informoheshin për këto shërbime.

Meqenësë projekti synon të rrisë transparencën dhe të fuqizojë zyrtarët në përputhje me Reformën e Administratës Publike duke krijuar një manual për përdorimin e uebsajtit që adreson nevojat e qytetarëve dhe përmirëson qasjen në shërbime, përmes pyetësorit të realizuar, ne kemi arritur të identfikojmë problemet e qytetarëve në përdorimin e website-it të komunës së Suharekës.

Prodhuar në kuadër të projektit “WeBER 3.0” për Reformën e Administratës Publike të Ballkanit Perëndimor. WeBER zbatohet nga Think of Europe Network – TEN dhe Qendra për Kërkime në Administratën Publike – KDZ. PIPS është një nga përfituesit e WeBER 3.0 brenda Local PAR Citizen Engagement Small Grant Facility 2024/2025.

RAPORTI I DYTË MONITORUES: STRATEGJIA E ENERGJISË E REPUBLIKËS SË KOSOVËS 2022-2031 (PERIUDHA 2024)

Strategjia e Energjisë e Republikës së Kosovës u miratua nga Kuvendi i Kosovës më 8 mars 2023.

Kjo Strategji synon të adresojë sfidat aktuale dhe të vendosë bazat për një të ardhme të sektorit energjetik që do të ofrojë siguri të furnizimit, energji të pastër, efiçiencë të energjisë dhe pjesëmarrje aktive të qytetarëve. Strategjia përfshin integrimin e sistemit elektroenergjetik të Kosovës në tregun rajonal dhe atë pan-Evropian, me theks të veçantë në përdorimin e burimeve të ripërtëritshme të energjisë (BRE) dhe bashkëpunimin e ngushtë me Republikën e Shqipërisë.

Në këtë kontekst, raporti i monitorimit shërben si një mjet thelbësor, duke ofruar një vlerësim gjithëpërfshirës të progresit të zbatimit të strategjisë për vitin 2024 (duke përfshirë vitet 2022 dhe 2023). Andaj, PIPS po vazhdon me monitorimin e strategjisë, ndërsa ky raport është pjesa e dytë e serive të raportit të monitorimit, që mbulon të gjitha masat e papërmbushura të 2022-tës dhe 2023-tës, si dhe te gjitha masat e 2024-tës.

Raporti synon të vlerësojë arritjet dhe të identifikojë sfidat gjatë këtyre viteve të implementimit të strategjisë.

Vjetari i Politikës së Jashtme (2023)

Ky raport ofron një analizë të shkurtër të politikës së jashtme të Kosovës përgjatë vitit 2023, deri më 15 shkurt 2024. Qëllimi i këtij raporti është të dokumentojë të zhvillimet, sfidat dhe objektivat strategjike të Kosovës në lidhje me politiken e jashtme. Të dhënat e mbledhura përfshijnë deklaratat zyrtare të qeverisë, të dhënat e takimeve diplomatike dhe analizat e angazhimeve ndërkombëtare.

Kapitujt më detajisht flasin për marrëdhëniet bilaterale apo dypalëshe, njohjen diplomatike dhe anëtarësimin në organizatat ndërkombëtare, integrimin euroatlantik, dialogun për normalizimin e marrëdhënieve me Serbinë, si dhe performancën e MPJD-së së Kosovës gjatë vitit 2023.

Open Call for Consultancy services on Conflict Sensitivity Strategy Development Process

Consultancy Open Call:

Prishtina Institute for Political Studies (PIPS), in collaboration with PeaceNexus Foundation, is engaging in an internal strengthening process through a conflict-sensitive strategy development process. With a commitment to advancing social cohesion and nurturing the growth of open-minded and democratic leadership, PIPS is determined to align its strategic direction with the evolving political landscape of Kosovo.

To achieve this, PIPS wants to engage in a participatory process and is seeking a consultant or team of consultants that can provide facilitation, analytical, and write-up support on the following work strands:

Work strand 1: Context analysis

Work strand 2: Strategy development

If you are interested in this assignment, please send your application via email at shkolla.politike@gmail.com no later than the 1st of July, 2024. Your application package should include an outline if you are applying for one work strand or both and contain:

CV (maximum 4 pages and indicating 2 references/previous clients that can comment on your ability to accompany strategy development and conflict sensitivity
Expression of interest outlining your understanding of the assignment, the skills you bring to it, and your proposed methodology and related time-frame. In case you are applying as a team of consultants your methodological offer should also clarify how you will divide the work.
Financial proposal comprising detailed quotation for the assignment, showing working days and expected fee, availability as well as travel costs from a place of residence to Prishtina and back.