PIPS ka lansuar serinë e diskutimeve me ekspertë dhe akademikë për dialogun Kosovë-Serbi.
Me datat 15,16 dhe 17 Dhjetor PIPS ka organizuar tre diskutime me ekspertë dhe akademikë për të diskutuar për Asosacionin e Komunave me shumicë serbe, Drejtësinë tranzicionale dhe Politikën e Jashtme si pjesë e serisë së diskutimeve për dialogun Kosovë-Serbi.
Diskutimet u udhëhoqen nga Dr. Gëzim Visoka.
Diskutimi i parë për temën e Asociacionit të Komunave me Shumicë Serbe mblodhi:
Dr. Gëzim Krasniqi, Universiteti i Edinburghut
Dr. Kushtrim Istrefi, Universiteti i Utrechtit
Dr. Fisnik Korenica, Universiteti i Prishtinës dhe
Ognjen Gogić, OJQ Aktiv.
Disa prej pikave të elaboruara kishin të bëjnë me:
- Aspektet ligjore në lidhje me Asociacionin e Komunave me Shumicë Serbe, parë në dritë të organizimeve të pakicave në shtetet tjera;
- Aspektet politike të ndërlidhura me këtë pikë, parë në dritë të raporteve mes Kosovës dhe Serbisë;
- Rolin e BE-së në këtë proces;
- Qasja e Qeverisë ndaj këtij organizmi që nga viti 2013;
- Nevojat reale të komunitetit serb në Kosovë dhe nëse një Asiociacion i këtillë adreson ato;
- Ndikimin e themelimit të Asociacionit në idenë e Kosovës si shtet qytetar;
- Dispozitat Kushtetuese të Kosovës në raport me të drejtat që ofron për organizimin e Komuniteteve dhe nëse ato janë shterruar krejtësisht.
Në diskutimin e dytë me temën "Drejtësia tranzicionale" morrën pjesë:
-Dr. Artan Mustafa,
-Besart Lumi dhe
-Jovana Radosavljević.
Në këtë diskutim janë diskutuar personat e zhdukur dhe të pagjetur, pronat, obligimet financiare dhe pensionet e punëtorëve. Panelistët kanë ofruar ekspertizën e tyre profesionale dhe akademike, gjithashtu duke ofruar krahasime me kontekste të tjera.
Në diskutimin e tretë me temën "Politika e jashtme" morrën pjesë:
-Dr. Roland Gjoni
-Dr. Ramadan Ilazi
-Marko Savković
-Donika Emini.
Në këtë diskutim është debatuar për dialogun Kosovë-Serbi, në dritë të orientimeve gjeostrategjike të kundërta të Kosovës dhe Serbisë, duke përfshirë relacionet me fuqitë e mëdha, Bashkimin Evropian (BE), Aleancën Veriatlantike (NATO).
Rekomandimet dhe konkluzionet nga seria e diskutimeve do të publikohen në një raport së shpejti.
Ky projekt përkrahet nga Këshilli i Evropës.
| Programet | |
| Viti i publikimit | |