Obligimet politike në Kosovë
Diona Kusari
/ Kategoria: Publikimet

Obligimet politike në Kosovë

2013

Ky studim trajton thelbin e marrëdhënieve shtet – shoqëri në Kosovë, atë të obligimeve politike. Duke kombinuar një kornizë analitike origjinale me argumente të pasura empirike, ky studim konstaton se obligimet politike janë shumë të ndërlidhura me shkallën në të cilën nevojat e njerëzve janë të plotësuara, të drejtat e tyre të njohura dhe të mbrojtura, si dhe agjencia dhe aftësitë e tyre të aktivizuara. Sic ilustrohet në këtë studim, kryqëzimi i këtyre aspekteve përbën përbërësit thelbësorë për një qytetari aktive dhe kritike në Kosovë. Kushtet aktuale politike dhe socio-ekonomike në Kosovë tregojnë marrëdhënie të brishta shtet-shoqëri, gjë që është evidente në aftësitë ripërtëritëse, informalitetin, mosbesimin e publikut, si dhe format më proaktive të rezistencës dhe padëgjueshmërisë qytetare. Tejkalimi i këtyre marrëdhënieve komplekse kërkon ndryshime në mënyrën se si njerëzit e perceptojnë shtetin, i cili duhet të shihet si përkushtim i përbashkët dhe e mirë e përbashkët, dhe se si shteti e sheh shoqërinë, e cila duhet të jetë burimi i legjitimitetit dhe përfaqësimit demokratik.

Next Article Gadishmëria e Kosovës për të përmbushur kriteret për antarësim në Këshillin e Evropës - Një qasje krahasuese
Print
19 Rate this article:
No rating
Programet
  • Qeverisja cilësore
Viti i publikimit
  • 2015

Dokumente(t)

Publikimet e fundit
 
Reforma e racionalizimit të agjencive ekzekutive dhe rregullatorëve në Kosovë - Faza e dytë e premte, 7 gusht 20200

Reforma e racionalizimit të agjencive ekzekutive dhe rregullatorëve në Kosovë - Faza e dytë

Kjo analizë politikash e trajton reformën e racionalizimit të agjencive ekzekutive dhe rregullatorëve në Kosovë me qëllimin për të kontribuuar në zbatimin e fazës së dytë të kësaj reforme. Nga njëra anë, këtu vlerësohet gjendja aktuale lidhur me agjencitë e kësaj faze. Nga ana tjetër, analiza diskuton opsionet e mundshme për racionalizimin e tyre.

Diplomacia e maskave dhe ndihmat ndërkombëtare për Kosovën e martë, 4 gusht 20200

Diplomacia e maskave dhe ndihmat ndërkombëtare për Kosovën

Luftimi i pandemisë përmes ofrimit të ndihmave, është bërë epiqendër e veprimit diplomatik. Për këtë qëllim, që nga shpërthimi i pandemisë, veprimtaria diplomatike e shteteve dhe organizatave shumëpalëshe është përqendruar kryesisht në gjetjen e alternativave më të mira për të siguruar ose ofruar ndihmë përtej kufijve. Ky dokument i shkurtër do të trajtojë disa nga këto efekte, më konkretisht se si ndihma e huaj ka ndikuar politikën ndërkombëtare deri më tani. Përpos diskutimit të përgjithshëm, dokumenti përqendrohet më gjerësisht në rastin e Kosovës.

 

Ndikimi i pandemisë në diplomacinë kosovare - Asambleja e Përgjithshme e OKB e hënë, 6 korrik 20200

Ndikimi i pandemisë në diplomacinë kosovare - Asambleja e Përgjithshme e OKB

Efektet e pandemisë në politikën e jashtme janë të shumta. Covid-19 ka pasur impakt serioz në relacionet dhe komunikimin mes shteteve, kësisoj e ka transformuar në tërësi diplomacinë ditore. Në këtë shkresë avokuese do të sjellet në sipërfaqe një aspekt me pasoja të vërejtshme, që është pakësimi i ndërveprimit fizik dhe takimeve ndërmjet përfaqësuesve të shteteve. Mbyllja e kufijve dhe kufizimi i lëvizjes së njerëzve në nivel global, ka bërë që vizitat zyrtare të anulohen ose të shtyhen, ndërkaq takimet diplomatike të kalojnë në kuadrin e platformave virtuale.

Vjetari i Politikës së Jashtme Kosovare e martë, 12 maj 20200

Vjetari i Politikës së Jashtme Kosovare

Beteja diplomatike e Kosovës për t'u bërë anëtare e barabartë e shoqërisë ndërkombëtare vazhdon edhe 12 vite pas shpalljes së pavarësisë. Që nga viti 2018 Kosova ka shënuar përparim të rëndësishëm në forcimin e strukturës institucionale dhe njohjes ndërkombëtare, duke u njohur nga shumica e shteteve anëtare të OKBsë dhe të qenurit pjesë e disa mekanizmave të rëndësishëm ndërkombëtarë.

RSS