Diona Kusari / e enjte, 27 janar 2022

Reforma e Sistemit të Drejtësisë gjatë vitit 2021

Janar 2022

Sistemi i drejtësisë deri më tani ka kaluar nëpër reforma të vazhdueshme dhe ka pasur përpjekje nga Qeveri të ndryshme për të trajtuar me prioritet sfidat afatgjata që pamundësojnë funksionimin e institucioneve të drejtësisë dhe ofrimin e drejtësisë për qytetarët. Reformimi i sistemit të drejtësisë në Kosovë vazhdon të mbetet sfidë shpesh problematike. Me ndihmën edhe të kërkesave të Bashkimit Evropian (BE), sidomos pas hyrjes në fuqi të Marrëveshjes së Stabilizim-Asociimit (MSA) si instrumenti i parë i detyrueshëm për zbatimin e reformave për integrim në BE, reforma e sistemit të drejtësisë duket se po formësohet në mënyrë më të qartë dhe më të matshme. Kjo analizë ka për qëllim të diskutojë gjendjen aktuale të reformës së sistemit të drejtësisë në Kosovë gjatë vitit 2021, në veçanti në kontekst të zbatimit të MSA-së dhe reformave të tjera për integrim në BE. Pjesa e parë jep një kontekst të kësaj reforme, duke diskutuar prioritetet e Programit të Qeverisë, në ndërlidhje me obligimet që dalin nga MSA dhe dokumentet përkatëse për zbatimin e saj në Kosovë. Në pjesën e dytë diskutohen hollësisht reformat konkrete në sistemin e drejtësisë, me fokus të arriturat e deritanishme dhe çfarë mbetet për t’u trajtuar në vitet e mbetura të zbatimit të Programit të Qeverisë. Në fund përmblidhen përfundimet kryesore dhe disa rekomandime për të trajtuar sfidat dhe mangësitë kryesore të diskutuara.

6564 Rate this article:

No rating

Programet

Integrimi evropian
Qeverisja cilësore

Dokumente(t)

Justice System Reform during 2021(.pdf, 11,56 MB) - 188 shkarkim(e)
Reforma e Sistemit të Drejtësisë gjatë vitit 2021(.pdf, 11,57 MB) - 212 shkarkim(e)

RAPORTI I TRETË MONITORUES: STRATEGJIA E ENERGJISË E REPUBLIKËS SË KOSOVËS 2022-2031 (PERIUDHA 2024)

Strategjia e Energjisë e Republikës së Kosovës u miratua nga Kuvendi i Kosovës më 8 mars 2023.

Kjo Strategji synon të adresojë sfidat aktuale dhe të vendosë bazat për një të ardhme të sektorit energjetik që do të ofrojë siguri të furnizimit, energji të pastër, efiçiencë të energjisë dhe pjesëmarrje aktive të qytetarëve. Strategjia përfshin integrimin e sistemit elektroenergjetik të Kosovës në tregun rajonal dhe atë pan-Evropian, me theks të veçantë në përdorimin e burimeve të ripërtëritshme të energjisë (BRE) dhe bashkëpunimin e ngushtë me Republikën e Shqipërisë.

Republika e Kosovës ndodhet në një pikë kyçe në zhvillimin e sektorit të saj energjetik, udhëhequr nga Strategjia e Energjisë së Kosovës 2022-2031. Kjo strategji shërben si një kornize drejt një sistemi energjetik të qëndrueshëm, efikas dhe të besueshëm, që mbështet rritjen ekonomike të vendit dhe përmirëson mirëqenien e qytetarëve të saj. PIPS monitoron implementimin e Strategjisë së Energjisë, dhe ky raport është i treti me radhë. Raporti i monitorimit shërben si një mjet thelbësor, duke ofruar një vlerësim gjithëpërfshirës të progresit të zbatimit të strategjisë për vitin 2024 (duke përfshirë vitin 2023). Raporti synon të vlerësojë arritjet dhe të identifikojë sfidat gjatë këtyre viteve të implementimit të strategjisë.

Udhëzuesi për shërbimet digjitale komunale - Komuna e Suharekës

Instituti i Prishtinës për Studime Politike (PIPS), në bashkëpunim me Komunën e Suharekës, ka realizuar një manual praktik për përdorimin e shërbimeve digjitale në këtë komunë.

Ky udhëzues ofron informata të detajuara mbi mënyrën e përdorimit të platformave si eKosova dhe Ndreqe.com, të cilat janë identifikuar si shërbimet më të përdorura nga qytetarët, bazuar në një anketë të fundit. Anketa ka evidentuar sfidat që qytetarët hasin në përdorimin e faqes së komunës dhe ka reflektuar nivelin e kënaqësisë së tyre me shërbimet online, duke nxjerrë në pah edhe mënyrat e preferuara të informimit rreth tyre.

Ky projekt synon të rrisë transparencën dhe të fuqizojë zyrtarët publikë në përputhje me Reformën e Administratës Publike dhe si aktivitet të fundit, kishte krijimin e këtij manuali që adreson nevojat e qytetarëve dhe lehtëson qasjen e tyre në shërbime.

Manuali është prodhuar në kuadër të projektit “WeBER 3.0” për Reformën e Administratës Publike në Ballkanin Perëndimor. WeBER zbatohet nga Think for Europe Network (TEN) dhe Qendra për Kërkime në Administratën Publike (KDZ). PIPS është një nga përfituesit e WeBER 3.0 në kuadër të Local PAR Citizen Engagement Small Grant Facility 2024/2025. Projekti financohet nga Bashkimi Evropian dhe Agjencia Austriake për Zhvillim (ADA). Përmbajtja e këtij manuali reflekton pikëpamjet e autorëve dhe nuk pasqyron domosdoshmërisht ato të BE-së, ADA-s, TEN-it apo KDZ-së.

Dialogu i Prishtinës: Ballkani dhe Azia e Jugut

Dialogu i Prishtinës: Ballkani dhe Azia e Jugut, e mbajtur më 25 nëntor 2024, në Prishtinë, shënoi një moment të rëndësishëm në rrugën e Kosovës drejt bashkëpunimit ndërrajonal. Ngjarja ofroi një platformë unike për të eksploruar sfidat dhe mundësitë e përbashkëta të Kosovës dhe Azisë Jugore (Bangladesh, Indi, Nepal, Pakistan dhe Shri Lanka) ndërmjet këtyre rajoneve të ndryshme.

Ky dokument i shkurtër përmbledh të gjeturat kryesore nga ky aktivitet, të organizuara rreth tre shtyllave kryesore: qeverisja demokratike, diplomacia ekonomike dhe roli i aktorëve jo-shtetërorë në nxitjen e bashkëpunimit. Dokumenti ofron rekomandime praktike për politikëbërësit dhe akterët e tjerë të përfshirë, me synim forcimin e marrëdhënieve ndërrajonale dhe pozicionimin e Kosovës si një akter aktiv në arenën ndërkombëtare.

Dixhitalizimi në Suharekë - Gjetjet nga anketa

Me qëllim rritjen e transparencës dhe fuqizimin e zyrtarëve lokalë në përputhje me Reformën e Administratës Publike, përmes anketës së fundit kemi identifikuar sfidat që qytetarët hasin në përdorimin e uebsajtit të komunës. Anketa gjithashtu reflekton nivelin e kënaqësisë së qytetarëve me shërbimet online dhe mënyrat se si do të preferonin të informoheshin për këto shërbime.

Meqenësë projekti synon të rrisë transparencën dhe të fuqizojë zyrtarët në përputhje me Reformën e Administratës Publike duke krijuar një manual për përdorimin e uebsajtit që adreson nevojat e qytetarëve dhe përmirëson qasjen në shërbime, përmes pyetësorit të realizuar, ne kemi arritur të identfikojmë problemet e qytetarëve në përdorimin e website-it të komunës së Suharekës.

Prodhuar në kuadër të projektit “WeBER 3.0” për Reformën e Administratës Publike të Ballkanit Perëndimor. WeBER zbatohet nga Think of Europe Network – TEN dhe Qendra për Kërkime në Administratën Publike – KDZ. PIPS është një nga përfituesit e WeBER 3.0 brenda Local PAR Citizen Engagement Small Grant Facility 2024/2025.